5-پايعامبارلىق. جەردىڭ ٴبۇلىنۋى
5-پايعامبارلىق. جەردىڭ ٴبۇلىنۋى
«[قۇداي] جەردى بۇلدىرگەندەردى قۇرتادى» (ايان 11:18).
● كپور (نيگەريا) قالاسىنىڭ تۇرعىنى پيرري پالما جەمىستەرىنىڭ شىرىنىنان شاراپ اشىتۋمەن اينالىساتىن. الايدا نيگەر وزەنىنىڭ اتىراۋىنا مۇناي توگىلۋىنىڭ سالدارىنان ونىڭ ساۋداسى ٴبىرجولا توقتاپ قالدى. «وزەن بالىقتارى قىرىلۋدا، دەنساۋلىعىمىز سىر بەرۋدە، جەراستى سۋلارى ىشۋگە كەلمەيدى. ەندى قالاي كۇن كورەتىنىمدى بىلمەيمىن»،— دەپ ناليدى پيرري.
دەرەكتەر نەنى كورسەتەدى؟ مامانداردىڭ ايتۋىنشا، دۇنيەجۇزىندەگى مۇحيتتارعا جىل سايىن 5،6 ميلليون توننا قوقىس تاستالادى. ونىڭ 50 پايىزى پلاستيك زاتتارى. مۇنداي زاتتار ىدىراپ، جويىلىپ كەتكەنگە دەيىن جۇزدەگەن جىلدار وتەدى. جەردى لاستاۋمەن قاتار، ادامزات بالاسى تابيعات بايلىقتارىن دا نىساپسىز پايدالانۋدا. زەرتتەۋلەرگە ساي، ادامزاتتىڭ ٴبىر جىلدا پايدالاناتىن تابيعات رەسۋرستارىنىڭ ورنى قايتا تولۋ ٷشىن جەر ٴبىر جارىم جىل تىنىعۋى كەرەك. ٴبىر گازەتتە بىلاي دەلىنگەن: «ەگەر حالىق سانى مەن تۇتىنۋ كولەمى وسى قارقىنمەن وسە بەرەتىن بولسا، 2035-جىلى بىزگە ٴبىر ەمەس، ەكى جەر شارى قاجەت بولادى» («Sydney Morning Herald»).
ٴجيى ايتالاتىن قارسى پىكىر: ادامنىڭ قولىنان كوپ نارسە كەلەدى. بۇل ماسەلەنىڭ دە شەشىمىن تاۋىپ، جەردى امان ساقتاپ قالادى.
مۇنداي پىكىر دۇرىس پا؟ كوپتەگەن ساناسى وياۋ ادامدار جانە ۇيىمدار قورشاعان ورتانىڭ لاستانۋ ماسەلەسى نازاردان تىس قالماۋىنا بارىن سالۋدا. دەگەنمەن جەر لاستانعان ۇستىنە لاستانا تۇسۋدە.
ٴسىز قالاي ويلايسىز؟ كيەلى كىتاپتا ايتىلعانداي، قۇداي بۇل ماسەلەنى ٶز قولىنا الماسا، جەردىڭ امان قالۋى ەكىتالاي ەمەس پە؟
ٴبىز قاراستىرعان بەس پايعامبارلىقپەن قاتار كيەلى كىتاپتا اقىر زاماندا ورىن الاتىن جاعىمدى جايتتار تۋرالى دا جازىلعان. التىنشى پايعامبارلىقتا سولاردىڭ ٴبىرى تۋرالى ايتىلادى.
[8-بەتتەگى سوزدەر]
«بىرەۋ جۇماق ٴتارىزدى جەرىمدى تارتىپ الىپ، مەنى ۋلى زاتتار مەن قوقىسقا تولى جەرگە قونىستاندىرعانداي سەزىنەمىن». (مەكسيكا شىعاناعىنىڭ جاعالاۋىندا (اقش) تۇراتىن ەرين تامبەردىڭ 2010-جىلى مۇناي توگىلۋىنىڭ سالدارى تۋرالى ايتقان سوزدەرى)
[8-بەتتەگى قورشاۋ]
بۇل قۇدايدىڭ ٸسى مە؟
بۇگىنگى كۇنى ورىن الىپ وتىرعان قايعىلى جاعدايلار كيەلى كىتاپتا الدىن الا ايتىلعاندىقتان، ادامدار قۇدايدى كىنالاپ جاتادى. شىندىعىندا بۇل قايعى-قاسىرەتتەردى قۇداي جىبەرىپ وتىر ما؟ بۇل سۇراقتىڭ قاناعاتتاندىرارلىق جاۋابىن ەحوبا كۋاگەرلەرى باسىپ شىعارعان «كيەلى كىتاپ شىن مانىندە نەگە ۇيرەتەدى؟» باسىلىمىنىڭ 11-تاراۋىنان تابا الاسىز.
[8-بەتتەگى تۇپدەرەك]
U.S. Coast Guard photo