Kikanenu 5. Ku Zanga O Ixi

‘Nzambi ua-nda buika oso a zanga o ixi.’ —DIJINGUNUINU 11:18.

● Ngana Pirri u kalakala mu kididi kia ku bhanga vinhu ku ixi ia Kpor, Nigeria. O uenji uê, a u zange mukonda dia máji avulu a takula ku Delta ia Níger. Muéne uambe, “o maji a jibha o jimbiji, a zanga o kikonda kietu, ni jingiji jetu. Ki ngala dingi ni kididi phala ku kalakala phala ngi tene ku dikila o ibhindamu iami.”

IHI ILONDEKESA O IZULUKUTU ÍII? Kála ki zuela o jingijiie, mu kalunga ene mu takula-mu 6.5 dia mazunda a ji tonelada ia ixete ku mivu ni mivu. O athu amba kuma 50 a porcento a ixete, ji plástico, ia-nda bhita mivu iavulu ande dia ima íii ku bola. Ande dia ku zanga o ixi, o athu a mu sosola o jimbongo ja ngongo (recursos naturais) mu ukexilu uoso. O jingijiie amba kuila o ixi ia bhingi muvu umoxi ni mbeji jitanu, phala ku sabhukisa dingi o ima ia zanga athu ku muvu umoxi. O Australian newspaper The Sydney Morning Herald, iambe: “Se o mundu u suína mu ku zanga o ima ia ngongo, tua-nda bhindamena Jixi jiiadi ande dia ku bhixila ku muvu ua 2035.”

IHI IZUELA O ATHU? O athu ala ni unjimu uavulu. Tu tena ku batula o maka ni ku bhulula o ixi.

O KUILA O ATHU A MU ZUELA O KIDI? Saí iá a kalakala kiavulu ki kale ubheka uâ, mba mu ibuka, phala kuijiia o maka alungu ni ima ia ngongo (assuntos ambientais). Né kiki, o ixi ene hanji mu i zanga mu ididi iavulu.

IHI I U BANZA? O Kuila kua bhingi muene o kikuatekesu kia Nzambi phala ku bhulula o ixi ietu iene mu zanga—kála kia kanena o ku bhanga?

O Bibidia ki i tange ngó ikanenu itanu i tua di longo kiá, i tanga ué o kizulukutu kia mukuá kia izuua isukidila-ku. Tua-nda di longa o kikanenu kia ka samanu.

[Kilombuelelu ku bandu 8]

“Nga mu divua kála ngala ni mbandu ia palaízu phala ku takula-mu ixete, phala ku zanga o ixi.”​—ERIN TAMBER, A RESIDENT OF THE GULF COAST, UNITED STATES, CONCERNING THE EFFECTS OF THE 2010 OIL SPILL IN THE GULF OF MEXICO.

[Kilombuelelu ku bandu 8]

O Kuila Nzambi Uala ni Kikuma?

Sumbala o Bibidia ia kanene kiá o ima ia iibha i tuene mu mona lelu, o kuila kiki kilondekesa kuila Nzambi muéne uala ni kikuma kia ima íii ku bhita? O kuila muéne, uene mu kuehela o hadi ioso mu ngongo? O maka enhá ua-nda ku a sanga mu divulu, Mu Kidi Ihi i Longa o Bibidia? mu kibatulu 11, a di bhange ku Jimbangi ja Jihova.

[Muxinda ua tokala ku foto ku bandu 8]

U.S. Coast Guard photo