Wemoherep hap 5. Mesūwat yi momã hap

— Tupana tiꞌatuꞌapiheg̃ mesūwat yi kahu hap momã haria. — IESUI ARU E HAP 11:18

● Nigéria pe wentup ihaig̃nia ipotpap wentup mikoi palmeira e hap het rakat hy hep hap ete vinho nug̃ hamo. Maꞌato ipohep topotpap hap ete kat pote ikap hun takat petróleo e hap ten ten yꞌy Niger e hap het rakat pyi. — Miꞌi kaipyi yꞌy wato pe pira iꞌatukuꞌuro hawyi aipīt pihi pihi kahato iꞌewȳte yꞌy wato hawiu kahato topyhuꞌat. Miꞌi pote ateropat kuapꞌi poꞌog̃ uiwyriaꞌīn e ihaig̃nia.

KAT ASOM WEMOHEREP HARIA PUO PYI WATEHAꞌAT KUAP. Ano upi anu upi mītꞌīn taꞌatupun ywysok kahato yꞌy wato pe. Wemūꞌe haria henoi ywysok koꞌi yꞌy wato pe ti plástico kawiat. Miꞌi koꞌi topyhuꞌat yꞌy pe mōtꞌi kahato teꞌeruweityk hap kape iꞌatuꞌe. Mītꞌīn timopit pit kahato mesūwat yi hawyi yꞌy wato iꞌewȳte taꞌatutek mikoi koꞌi hawyi taꞌatumomã kuap ywa. Miꞌi haype mōtꞌi kahato mesūwat yi tuwemopakup hamo. — Mītꞌīn teꞌeruwemotypyꞌi poꞌog̃ hawyi taꞌatutek g̃aꞌapy koꞌi pote mōtꞌi hamoꞌi taꞌatumomã hamo mesūwat yi iꞌatuꞌe mītꞌīn jornal Austrália piat ipotpap takaria.

KAN IRANIAꞌĪN TEꞌERUWANENTUP — Mītꞌīn iweꞌeg̃ kahato rakaria. Katupono taꞌatuꞌakīt kuap niatpo hap koꞌi hawyi taꞌatumopakupꞌi kuap mesūwat yi iꞌatuꞌe.

IꞌATUWANENTUP HAP PȲWO ASOM. Iraniaꞌīn mītꞌīn teꞌeruwanentup kahato aikotā̃ me taꞌatuerohik kuap mesūwat yi hap kape. Miꞌi pykai wen sese mītꞌīn timopit pit kahato mesūwat yi hawyi yꞌy wato.

AIKOTĀ̃ ETIPUENTI. Waku asom Tupana tiꞌatuꞌapiheg̃ mesūwat yi kahu hap momã haria aikotā̃ toꞌe hap ewy.

Watikuap raꞌyn 5 korā̃ wuat wemoherep hap koꞌi etiat. Maꞌato Tupana Ehay henoi wemoherep hap waku rakat wy. Etikuap poꞌog̃ hamo.

[Miwan ko’i]

— Saꞌawyꞌi uhej̃am ikahu kahato. Maꞌato korā̃ ȳtꞌi mītꞌīn timopit pit pote e. — ERIN TAMBER. MIꞌI TOIG̃NEꞌEN ESTADOS UNIDOS PE HAWYI IHAY IKAP HUN NAKAT YꞌY WATO PIAT IꞌOKPUN HAP ETIAT ANO 2010 PE.

[Caixa]

Tupana tunug̃ asom saꞌag̃ koꞌi ahete.

Tupana Ehay henoi korā̃ wuat saꞌag̃ koꞌi wemoherep hap etiat. Maꞌato Tupana tunug̃ asom saꞌag̃ koꞌi ahete. Miꞌi aimosoꞌopot nug̃ hat asom. Etikuap poꞌog̃ hamo iwesat hap wemūꞌe hap 11 popera O Que a Bíblia Realmente Ensina? e hap piat. Miꞌi popera Ieuwa Ehay Enoi Haria minug̃.

[Iaꞌag̃kap etiat]

U.S. Coast Guard photo