5. Pata maꞌtanînenkon

“Tîîse manniꞌkan non ponkon maꞌtanîpîtîponkon tarumaꞌtîtoꞌya weiyu erepansaꞌ sîrîrî taꞌpî toꞌya.” — APOCALIPSE 11:18.

● Pirri esenyakaꞌma Kpor, Nigéria po yei yekku moꞌkanen. Tîîse esenyakaꞌma eserîke pra mîîkîrî wanî inîꞌrî, iren maꞌtanîꞌpîꞌpîꞌ toꞌya yeꞌnen nuraꞌ ke (petróleo/ Petroleum). Taꞌpî mîîkîrîya: “Moroyamîꞌ saꞌmantan pîꞌ man moropai neꞌneꞌ pe anna enan pîꞌ man, nura pe iren man, esenyakaꞌma eserîke pra wai” taꞌpîiya.

Îꞌ EꞌKUPÎ? Epuꞌnenankonya taa tamîꞌnawîrî kono yai pemonkonyamîꞌya nurakon yenumî pîrana ka, 6,5 milhões kaisarî. Mîrîrî nuraꞌkon wanî pîrana ka tuꞌke kono kaisarî. Pemonkonyamîꞌya Pata maꞌtanî pîꞌ man, mîrîrî yeꞌnen îꞌ yuꞌse uurînîkon wanîꞌ manniꞌ tîrî eserîke pra Pata wanî. “Pemonkonyamîꞌ epamî koꞌmanpîtî ya Pata poro, 2035 kono yai saakîne Pata eꞌpai uurînîkon wanî taise.” Taꞌpî kaareta australianoya Sidney Morning Herald patapon ya.

Îꞌ TAA TIARONKONYA? Epuꞌnen pe pemonkonyamîꞌ man. Pata pîikaꞌtî uurînîkonya eꞌpainon maꞌtanî toꞌya namai.

Îꞌ TAA TOꞌYA WANÎ YAIRON PE? Tuꞌke pemonkonyamîꞌ esenyakaꞌman pîꞌ man Pata pîikaꞌtîtoꞌpe. Tîîse Pata maꞌtanînenkon pe pemonkonyamîꞌ man.

Îꞌ TAA PÎꞌ NAN? Paapaya Pata pîikaꞌtî naka pemonkonyamîꞌya Pata maꞌtanî namai?

Paapa Maimuya taꞌpî morîkon eꞌkupî saꞌman weiyukon yai. Eraꞌmakî tiaron esenupantoꞌ ya.

[Morî pe panpîꞌ yare 8 ya]

“Morî pataꞌseꞌ esa pe uurî wanîꞌpî, tîîse tarîpai nurakon man neken moroni.” — ERIN TAMBER, ESTADOS UNIDOS PO TÎÎKOꞌMANSENYA, TAꞌPÎ Îꞌ EꞌKUPÎꞌPÎ NURAꞌ KE (PETRÓLEO/ PETROLEUM) PÎRANA KA IꞌKANSA PÎꞌ MÉXICO 2010 KONO YAI.

[Imenukasaꞌ]

Paapa mîîkîrî mîrîrî emapuꞌtînen?

Paapa Maimuya taꞌpî imakuiꞌpîkon eꞌkupî sîrîrîpe. Paapa mîîkîrî mîrîrîkon konekanen naka? Uurînîkon eꞌtarumaꞌtînen mîîkîrî Paapa? Yuutoꞌkon eporîya eꞌpainon seeniꞌ ekaranmaposakon pîꞌ esenupantoꞌ 11 kaareta ya Îꞌ Yenupa Paapa Maimuya?, Jeová Maimu Ekaremeꞌnenanya ikonekasaꞌ.

[Yekaton Crédito]

Foto da U.S. Coast Guard