5. Vahanya Oohi
5. Vahanya Oohi
“[Huku] mahanyeko vana vekahi nokuhanya oohi.”—REVELAÇÃO [APOCALIPSE] 11:18.
● Omulume umwe utiwa Pirri ovilinga viae ankho okulinga ovinyu kotyilongo tyo Kpor, ko Nigeria. Otyitanda tyae tyanyonwa nomulela wanengulua ko Delta yo Níger. Oe wati: “Tyaipaa onohi, tyanyona omalutu etu, no nondongi mbetu. Ndyitupu vali natyike.”
OITYI TYIKAHI NOKUMONEKA? Ovanongo vamwe vapopia okuti 6,5 yonomiliau mbovipuka viasila, viyumbwa melunga kese enima. Vimwe povipuka ovio viasila, onoplastiku mbuseta unene okuvola. Ovalume kavanyono vala oohi, mahi tupu vekahi nokumana omalumono oohi monkhalelo ihuvisa. Ovanongo vapopia okuti oohi yesukisa enima no nohanyi ononthano opo ikale vali nomalumono ovanthu vamana menima. O jornale Sydney Morning Herald yo ko Australia yapopia okuti: “Inkha ovanthu vatualako okuliyawisa, nokumana omalumono oohi, matusukisa vali Ouye omukuavo mo 2035.”
OITYI OVANTHU VAPOPIA? Ovanthu valunguka nokuna ounongo pala okutetulula ovitateka viovanthu. Onthue tupondola okutetulula ovitateka ovio nokuyovola oohi.
OKUTI ETYI OVANTHU VAPOPIA OTYILI? Ovanthu vaundapa unene vei nawa ovitateka vikahi nokuetuako novanthu. Tyotyili, ovanthu vekahi nokutualako okunyona oohi ouye auho.
OITYI OVE USOKA? Okuti tyesukisa Huku eye okuyovola oohi yetu ikahi nokunyonwa, ngetyi alaa okulinga?
Tuapopiale omaulo etano, mahi tupu Ombimbiliya ipopia ovipuka ovikuavo mavikapita kononthiki mbahulililako. Tala ongeleka imwe meulu lia pandu.
[Onondaka Mbavilapo pefo 8]
“Ame ndyilitehelela okuti ndyikahi nokuyekapo okukala muene yofika ongwa iya ndyikahi nokukala muene yesilo likola ovanthu.”—ERIN TAMBER, OMUTUMINI WOKO COSTA YO GOLFO, ESTADU UNIDU, KONTHELE YOMULELA WANENGULUA KO GOLFO YO MÉXICO MO 2010.
[Okakasa pefo 8]
Okuti Huku Oe Weta Ononkhumbi?
Mokonda Ombimbiliya yapopia ovivi tuete hono, okuti o Huku uvieta? Okuti oe utumonesa ononkhumbi? Upondola okuvasa omakumbululo omawa omapulo oo, mokapitulu 11 komukanda Oityi Ombimbiliya Tyili Ilongesa? walingua no Nombangi mba Jeova.
[Olutalatu Lualandwa pefo 8]
U.S. Coast Guard photo