“[Dios lo] destruí esnan ku ta destruí e tera.”​—REVELASHON 11:18.

● Señor Pirri, ku ta biba na Kpor, Nigeria, tabata bende biña di palma. Pero, debí na un derame di petroli den e delta di Riu Niger, e palmanan a haña hopi daño. El a bisa: “E petroli ta mata nos piskánan, afektá nos kueru i ta daña nos riunan. Mi no tin fuente di entrada mas.”

KIKO ECHONAN TA MUSTRA? Segun algun eksperto, hende ta tira 6,5 mion tonelada di sushi den laman tur aña. Nan ta kalkulá ku 50 porshento di e sushi ei ta plèstik ku lo keda drif pa sientos di aña promé ku e kaba na nada. Ademas di kontaminá tera, hende ta kabando rápidamente ku su rekursonan natural. Estudionan ta mustra ku e planeta Tera mester di ún aña i sinku luna pa regenerá loke hende ta usa den un aña. Segun e korant Sydney Morning Herald di Australia: “Si e poblashon i konsumo sigui krese manera e ta bai awor akí, pa aña 2035, nos lo tin mester di e ekivalente di dos planeta Tera.”

KIKO TA UN OPHESHON KOMUN? Hende ta inteligente i kapas pa haña un manera pa korigí e problemanan akí i salba nos tera.

E OPHESHON EI TIN BASE? Hopi hende i grupo ta traha duru pa konsientisá hende di e problemanan di medio ambiente. Sinembargo, hende ta sigui kontaminá tera na gran eskala.

KIKO ABO TA PENSA? Ta nesesario pa Dios intervení i salba nos planeta​—manera el a primintí?

Fuera di e sinku profesianan ku nos a kaba di konsiderá, Beibel a profetisá tambe di desaroyonan positivo ku lo tuma lugá durante e último dianan. Wak ún ehèmpel di esaki den e di seis profesia.

[Komentario na página 8]

“Mi ta sinti komo si fuera mi a pèrdè un paradeis i a bira doño di un lugá di benta sushi tóksiko.”​—ERIN TAMBER, UN HABITANTE DI E KOSTA DI GOLFO DI MEXICO, MERKA, TOKANTE E EFEKTONAN DI E DERAME DI PETROLI DEN E GOLFO DI MEXICO.

[Kuadro na página 8]

Dios Ta Responsabel?

E echo ku Beibel a profetisá di e kosnan malu ku nos ta mira awe ta nifiká ku Dios ta responsabel pa esakinan? Ta e ta e kousa di nos sufrimentu? Bo por haña kontesta satisfaktorio pa e preguntanan akí den kapítulo 11 di e buki Kiko Beibel Ta Siña Realmente? publiká pa Testigunan di Yehova.

[Rekonosementu pa Potrèt na página 8]

U.S. Coast Guard photo