5. Yak ta jinel te Balumilal

«[Te Dios ya slajin] te machʼatic ya sjinic te bahlumilale» (APOCALIPSIS 11:18).

● Te Pirri ya schon vino yuʼun palma ta Kpor Nigeria. Pero maʼyuk bin ya schonix, melel mal ochel te petroleo ta tiʼtiʼ jaʼ yuʼun Niger te la slajin spisil te palmeraetik. Jich ya yal: «Ya smil te chayetik, ya yutsʼin te jbakʼetaltik sok ya slajin te mukʼul jaʼetik. Maʼyuk yan aʼtel te ya xjuʼ ya jpase».

TE BIN KʼOT TA PASEL. Ya yichʼ alel te ta jujun jaʼbil ya yichʼ chʼojel ochel ta mar 6 millón sok olil tonelada kʼaʼpal tey-a. Ayniwan 50 porciento te kʼaʼpal ya yichʼ chʼojel, jaʼ plástico te bayal jaʼbil ya xlaj ta kʼaʼel. Manax jaʼuk-abi, te ants winiketik maʼyukix stakʼinik. Te machʼatik ya yilbeyik skʼoplal te Balumilal ya yalik te ya la skʼan 17 u yuʼun ya yichʼ achʼubtesel te bin slajinojik te ants winiketik ta jun jaʼbil. Jun periódico ta Australia te sbiilinej Sydney Morning Herald, jich ya yal: «Teme ya xpʼolxan te ants winiketik sok te weʼelil, ya skʼan te ayuk chaʼwol Balumilal ta jaʼbil 2035».

TE BIN YA YALIK YUʼUN. Te ants winiketik ay spʼijilik yuʼun ay bin ya spasik swenta ma xlaj te Balumilale.

¿YUʼUN-NIXBAL JICH-A TE BIN YA YICHʼ ALELE? Wokolayal te machʼatik ya yilbeyik skʼoplal te Balumilal sok yantikxan ants winiketik maba boloben ta jkʼaxel te Balumilal. Manchukme jich-abi, bayalto ants winiketik ya xchʼojik kʼaʼpal ta bayuk.

¿BIN YA AWAL TE JAʼATE? Te bitʼil yichʼojix bolobtesel te Balumilal ¿yabal jkʼantik te jaʼ ya slekubtes te Diose?

Te bitʼil la kiltikix joʼchajp albilkʼopetik, te Biblia jaʼnix jich ya yal te ay bin lek ya xkʼot ta pasel ta slajibal kʼajkʼal. Kiltik jun ejemplo.

[Te bin ya yal]

«Ya jmulan yilel-a te stʼujbilal te mar, pero kʼatpʼuj ta yawil kʼaʼpal» (JAʼ TE BIN LA YAL TE ERIN TAMBER, TE AY TA ESTADOS UNIDOS, TA SWENTA TE MAL TE PETROLEO TA 2010 TA GOLFO YUʼUN MEXICO).

[Rekuadro]

¿Jaʼbal smul te Diose?

Ta swenta te bin la yal te Biblia te ya xkʼax tulan wokoliletik ¿jaʼbal ya skʼan ya yal-abi te jaʼ smul te Diose? Ya atabey sujtib ta capítulo 11 yuʼun te libro ¿Bin ya yakʼ jnoptik te Bibliae?, te jaʼ spasoj te testigoetik yuʼun Jehová.

[Te machʼa yuʼun te foto]

U.S. Coast Guard photo