Eprofesia 5. Ohononiwa wa elapo

‘[Muluku] onimwaapwetexa ale anihonona elapo’.—WIISUUPULULA 11:18.

● Pirri, onivara muteko empresa enipaka eviinyu elapo ya oKpor, oNigéria. Empresa awe yaahihiya ovara muteko mwaha wa makhura yaaphuleeleyale mMuro Níger. Owo onihimya so: “Makhura ale yaahiiva ihopa sinceene, ohonona erutthu ahu ni apalano ahu yaahihononeya. Miyo nkaarina muteko mukina”.

ITTHU SINCEENE SINOONIHERYA EXEENI? Moovarihana ni asomi anceene, khula mwaakha itonelata imilyau 6.5 sa ikokhola sinniriheliwa mphareya. Vanihimmwa wira 50 porsento sa ikokhola siniriheliwa mphareya ti sa palastiku ni sinnivira iyaakha sinceene siri ene mphareya. Ohiya paahi ohonona elapo, apinaatamu annihonona vanceene itthu sikhanle valaponi. Sootokosa sikina sinihimya wira ehaana ovira eyaakha emosa ni myeeri 5 wira elapo ettikiherye itthu apinaatamu anihonona aya eyaakha ntero. Exornaale emosa ya wAustrália, ehimmye so: “Akhala wira apinaatamu ni itthu sinihononeya sinoovikaniha wuncererya, mwakha wa 2035 sinrowa otthuneyaka Ilapo piili”.

ATTHU AKINA ANIHIMYA EXEENI? Apinaatamu aakhalana ankhili. Nto nnoowerya ophuka muxankiho owo wira elapo ehihononeye.

NIIREKE ITTHU IYO ANIHIMYA AYA TI SEKEEKHAI? Atthu anceene ni aikrupu sinceene sinniimananiha omaliha mixankiho sa elapo. Masi hata vari siiso, elapo enootepa ohononiwa.

NYUWO MUNOONELA SAI? Niireke ntoko Muluku oleihenrye awe ohaana opaka etthu wira elapo ele ehihononiwe?

Ohiya paahi iprofesia 5 nithokorenrye ahu, Biibiliya aahihimya vahinatthi itthu sooloka saarowa wiiraneya mahiku ookiserya. Nwehe ntakiheryo nimosa nithokoreryaka eprofesia 6.

[Eponto yuulupale epaaxina 8]

“Miyo kaari mwaneene eparayiisu yaamukhaani, masi olelo-va kamwaneene ikokhola”.—ERIN TAMBER, MORADOR DA COSTA DO GOLFO, ESTADOS UNIDOS, COMENTANDO OS EFEITOS DO VAZAMENTO DE PETRÓLEO NO GOLFO DO MÉXICO EM 2010.

[Ekaaxa epaaxina 8]

[Masu a Elatarato ya Epaaxina 8]

U.S. Coast Guard photo