5. დედამიწაშ დაბინძურება

„[ღორონთ მოსპუნს] დედამიწაშ მუმასპუალეფს“ (გამოცხადება 11:18).

● ართ პიროვნება სახელო პაირ, ნიგერიაშა სოფელ კპორს პალმაშ წვენს შაყარანდჷ დო თით ღვინს ორთუდ. თიქ სამუშა თიშ უკულ მიოდინუ, მუთ ნიგერიაშ დელტას ნავთობიქ ქენოწუ. თინა იჩიებ: „არძა ჩხომქ გეშაჭყორდჷ, კანქ დემეზიანეს დო ვართ მალწყარეფ რე სუფთა. ვა მიჩქჷ, დუდ მუთ ეიბჯუმუა“.

მუს ოძირანს თე ფაქტეფ? ნამთინე ექსპერტიშ აზრით, ირ წანას ოკეანეს 6,5 მილიონ ტონა გვამს ინარღვანა. თე გვამიშ გვერდ პლასმას რე, თიქ სრულაშო გენადგურასინ ოშობით წანა რე საჭირო. ხვალე თენა ვარინ, ადამიანეფ დედამიწაშ ბუნებრივ რესურსეფს ამცირენა. გიმორკვიებეფშე იძირე, ნამდა დედამიწას სოდგარენ წარმოწანა დო გვერდ ოსაჭირ, ნამდა აღადგინას თი ზარალ, მუთ კოჩიქ ართ წანაშ დინახალე მიორინუ. ავსტრალიაშ ართ-ართ გაზეთის თეცალ მუდგარენ ჭარჷ: „მოსახლეობა დო რესურსეფიშ ხარჯებაქ მიძინ-და, 2035 წანაშო ჟირ დედამიწაშ მადიდა პლანეტა დემესაჭირებნა“ (Sydney Morning Herald).

გავრცელებურ შეხედულება. ადამიანეფ გონიერეფ რენა დო მუდგაინნერო დოგორნა საშველს. ჩქი შემლებნა თე პრობლემეფიშ მოგვარება დო დედამიწაშ გინოსქილადა.

ქორენო თე შეხედულება მართალ? ბრელ ორგანიზაცია დოვარ ცალკეულ პიროვნება ირფელს ორთჷ, ნამდა ქუგმოგებაფუან ეკოლოგიურ პრობლემეფიშ გურშენ. თეშ უმკუჯინუო, დედამიწა იშენით იბინძურებ.

თქვა მუჭო ფიქრენთ? ოკო ჩერუასო ღორონთიქ დო ოკო გინასქილიდუასო დედამიწა, მუჭოთ დემეპირეს?

თაქ გარჩიებულ ხუთ წინასწარმეტყველებაშ გარდა ბიბლია ჯგირ მუდგარენეფს ხოლო წინასწარმეტყველენს, ნამდგაქ ბოლო დღალეფს ოკო მოხვადას. მორთ გუვარჩუათ თინეფშე ართ-ართ.

[ჩანართი 8 გვერდის]

„თიცალ შეგრძნება მიღჷ, ითამ სამოთხეშე ტოქსიკურ ნარჩენეფიშ ოგვამეს ქუმოფხვად“ (მექსიკაშ ყურეშ სანაპიროს მახორუ ერინ ტამბერიშ კომენტარ 2010 წანას ყურეს ინორღვაფილ ნავთობიშ გურშენ).

[ჩარჩო 8 გვერდის]

ღორონთ რენო პასუხიშმგებელ?

რახანს ბიბლია წინასწარმეტყველენს არძა თი უბედრობას, ნამუთ ამდღა ხვადუ, ღორონთ რენო პასუხიშმგებელ? თინა რენო ჩქინ ტანჯებაშ მიზეზ? თე კითხვეფშე დამაკმაყოფილებერ პასუხეფიშ მეღება შეილებნა წიგნშე „მუს მოგურუანა ბიბლია სინამდვილეს?“ მა-11 დუდის. გიშაშქვანა იეჰოვაშ მოწმეეფ.

[სურათიშ საავტორო უფლება 8 გვერდის]

U.S. Coast Guard photo