Profecía 5. Táan u kʼaskúuntaʼal le luʼumaʼ

«[Dioseʼ yaan u] xuʼulsik tiʼ le máaxoʼob táan u kʼaskúuntikoʼob le luʼumoʼ» (APOCALIPSIS 11:18).

● Pirrieʼ ku konik vino jóoʼsaʼan tiʼ palmera tu kaajil Kpor (Nigeria), pero beoraaʼ minaʼan meyaj tiʼ tumen kʼaschaj le palmeraʼoboʼ. Lelaʼ úuchi tumen le petróleooʼ tu sen contaminartaj delta del Níger. Pirrieʼ tu yaʼalaj: «Le contaminaciónoʼ ku kʼaskúuntik le ríoʼoboʼ, ku kíimsik le kayoʼoboʼ yéetel ku kʼaskúuntik u yootʼel máak. Tsʼoʼoleʼ minaʼan uláakʼ bix jeʼel in kaxtik in kuxtaleʼ».

BAʼAX KU YÚUCHUL. Le máaxoʼob kaʼanchajaʼan u xookoʼoboʼ ku yaʼalikoʼobeʼ cada añoeʼ seis millones y medio u toneladasil basura ku puʼulul teʼ kʼáaʼnáaboʼ. Yaʼab tiʼ le basuraaʼ plástico, tsʼoʼoleʼ utiaʼal u kʼastaleʼ táaj yaʼab años unaj u máan. Ku yaʼalikoʼob xaneʼ le baʼax ku usartik wíinik ichil junpʼéel añoeʼ ku kʼaʼabéettal óoliʼ año y medio utiaʼal u jel antal. Wíinikeʼ maʼ chéen táan u contaminartik le Luʼumaʼ táan xan u kʼaskúuntik le baʼaxoʼob beetik u yantal kuxtaloʼ. Junpʼéel periódicoeʼ ku yaʼalik: «Wa ku seguer u yaʼabtal máakeʼ tu añoil 2035, yaan u kʼaʼabéettal uláakʼ planeta jeʼex le Luʼumaʼ utiaʼal k-bin kajtaliʼ» (Sydney Morning Herald).

BAʼAX KU YAʼALAʼAL. Tiʼ wíinikeʼ yaan u naʼatil utiaʼal u yutskíintik le baʼaxoʼob ku kʼastal way Luʼumeʼ.

¿JAAJ WA BAʼAX KU YAʼALAʼAL? Kex yaan organizaciónoʼob ilik maʼ u sen kʼaskúuntaʼal le Luʼumaʼ, láayliʼ táan u sen contaminartaʼal tumen yaʼab máakoʼobeʼ.

¿BAʼAX KA TUKLIK? Dioseʼ u prometermaj u yutskíintik le Luʼumaʼ, ¿kʼaʼabéettoʼon wa u yáantaj?

Tsʼoʼok k-ilik táan u béeytal le cinco baʼaloʼob ku yaʼalik le Bibliaoʼ, chéen baʼaleʼ ku yaʼalik yaan xan u yúuchul baʼaloʼob maʼalobtak teʼ tu tsʼook kʼiinoʼobaʼ. Koʼox ilik junpʼéeliʼ.

[Uláakʼ baʼax ku tsoʼolol]

«Kaʼacheʼ kajaʼanen tiʼ junpʼéel paraíso, bejlaʼeʼ kajaʼanen ich basura» (LELAʼ TU YAʼALAJ ERIN TAMBER, KAJAʼAN TU NOOJOLIL ESTADOS UNIDOS YOʼOLAL LE PETRÓLEO WÉEK TEʼ GOLFO DE MÉXICO TU AÑOIL 2010).

[Cuadro]

¿U culpa Dios?

Le baʼaxoʼob ku yúuchul teʼ kʼiinoʼobaʼ aʼalaʼaniliʼ teʼ Bibliaoʼ, ¿u kʼáat wa túun u yaʼaleʼ Dios beetik k-sufrir? Utiaʼal a wojéeltik u núukileʼ ilawil le capítulo 11 tiʼ le libro ¿Baʼax k-kanik teʼ Bibliaoʼ?, beetaʼan tumen u testigoʼob Jéeoba.

[U yuumil le oochel]

U.S. Coast Guard photo