Ari na Lambin Dear
Ari na Lambin Dear
“Tongkin nari gelah seng dong be parjahat in . . . Tapi anggo halak na lamlam maruhur, ibere do tanoh on gabe parbagianan ni sidea, anjaha marmalas ni uhur ma sidea halani damei goluhni.”—PSALMEN 37:10, 11, NW.
TONTU sihol do uhurmu mangidah saud panjahaion ai. Dong piga-piga alasan na mambahen pos uhurta, tongkin nari saud do ai.
Domma iulas hita piga-piga panjahaion ni Bibel na dob saud na patuduhkon anggo hita manggoluh bani “panorang parpudi”. (2 Timoteus 3:1-5) Isuruh Naibata do piga-piga dalahi manuratkon panjahaion ai ibagas Bibel ase marpangarapan hita. (Rom 15:4) Jadi sanggah masa ganupan ai gabe pos ma uhurta lang piga dokah nari salpu ma sitarononta.
Aha ma na laho masa dobkonsi panorang parpudi? Mamarentah ma Harajaon ni Naibata i sab tanoh on. (Mateus 6:9, 10) Pardiateihon ma na ihatahon Bibel pasal tanoh on bani panorang ai:
● Lang adong be na loheian. “Bahat do holi omei i tanoh on das bani pakpak ni dolog.”—Psalmen 72:16, NW.
● Lang adong be na boritan. ‘Sada pe lang pangisini mangkatahon, “Boritan do ahu!”’—Jesaya 33:24.
● Ipadear ma tanoh on. “Marmalas ni uhur ma halimisan pakon tanoh na korah. Marolob-olob anjaha bahat ma bunga ijai.”—Jesaya 35:1, NW.
On ma piga-piga panjahaion ni Bibel na laho saud. Malas do uhur ni Saksi Jahowa mansaritahon mase sidea porsaya ari na lambin dear domma dohor.