Cerca Ya Llega el Buen Futuro!

“Corto tiempo ya lang, el maga malo gendeh mas existi . . . Pero el maga sumiso hay hereda con el tierra y hay queda sila bien alegre cay tiene sila incomparable paz.”​—SALMO 37:10, 11.

QUIERRE ba tu mira que cumpli ese profecia que ya menciona arriba? Asigurao, quierre tu. Tiene maga fuerte evidencia para creé que cerca ya se cumpli.

Na maga articulo ya pasa, ya discuti kita con el cuanto profecia na Biblia que claro ta dale mira que ta vivi ya kita na “ultimo maga dia.” (2 Timoteo 3:1-5) El Dios ya guia con el maga escritor del Biblia que predicta con ese maga suceso para puede kita tiene esperanza. (Roma 15:4) El cumplimiento de ese maga profecia ta dale mira que cerca ya perde el maga problema que ta enfrenta kita ahora.

Cosa sucede despues del ultimo maga dia? El Reino del Dios hay rula con el todo gente. (Mateo 6:9, 10) Considera si cosa ta habla el Biblia acerca con el condicion del tierra na ese tiempo:

● Hay quita con el hambre. “Hay tiene abundancia de grano na tierra; na arriba del monte este hay sobra.”​—Salmo 72:16.

● Hay quita con el enfermedad. “Nuay residente quien hay habla: ‘Enfermo yo.’”​—Isaias 33:24.

● Hay queda bonito otravez el tierra. “El desierto y el seco tierra hay tiene alegria y el patag lugar hay queda alegre y florea igual na saffron.”​—Isaias 35:1.

Cuanto lang este del maga bonito profecia na Biblia que cerca ya cumpli. Pruba pregunta na maga Testigo de Jehova para dale mira contigo si porque sila bien asigurao que cerca ya sucede el buen futuro.