Ewe Fansoun mi Echipwör A Chök Arapoto!

“Lon fansoun mochomoch echök ekewe aramasangau resap chüen nom. . . . Nge ekewe chon tipetekison repwe fanüeni ewe fanü o pwapwaäsini ar feiöch me kinamwe mi somwola.”​—KÖLFEL 37:10, 11.

KA MOCHEN küna pwönütään ena oesini? Ese mwääl ka fokkun mochen. A wor pisekin ännet mi alükülük pwe ekiselo chök epwe pwönüetä.

Ekkewe lesen mwen ei ra äiti ngenikich ekkoch oesini lon Paipel mi affata pwe sia nom lon “ekewe ränin lesopolan.” (2 Timoti 3:1-5) Kot a amwökütü ekkewe chon makkeei Paipel le oesini usun ekkena mettoch pwe epwe wor ach äpilükülüköch. (Rom 15:4) Pwönüetään ekkena oesini ra pwäratä pwe ekiselo chök ekkewe osukosuk sia kükküna iei repwe morolo.

Met epwe fis mwirin ekkewe ränin le sopwoloon? Än Kot Mwu epwe nemenem woon unusen fönüfan. (Mattu 6:9, 10) Ekieki met Paipel a apasa usun napanapen fönüfan lon ena fansoun:

● Esap chüen wor echik. ‘Epwe wor chomong wiich lon ewe fanü. Epwe wor uän irä won ekewe chuk.’​—Kölfel 72:16.

● Esap chüen wor samau. “Esap wor eman chon ewe fanü epwe apasa pwe a samau.”​—Aisea 33:24.

● Ewe fönüfan epwe mürinnölosefäl. “Ewe fanüapö me ewe fanüpwas repwe pwapwa, ewe fanüapö epwe mwänek o afisätä pön irä usun chök ekewe rous.”​—Aisea 35:1.

Ikkeei ekkoch me lein än Paipel kewe oesini repwele pwönüetä. Pwata kese tingorei ekkewe Chon Pwäratä Jiowa ar repwe äiti ngonuk pwata a wor ar äpilükülük usun arapotoon ewe fansoun mi echipwör?