Jun i alabél aychixtaláb axi we’its ne’ets ka ulits

«Expidh we’ i k’ij ani ne’ets ka tixk’áj axi pójkax [...]. pero jita’chik maxu ne’ets kin k’alna’ an Tsabál. Ne’ets kin élchij in alwá’ kom ne’ets ka wa’tsin yan i koyattaláb.» (SALMO 37:​10, 11)

¿ALÉ’ ka tsu’uw ka putun axé’ xi k’ej kaw? I lej belál abal aníts. Ani wa’ats yan jant’oj axi in t’ajál abal ki bela’ abal wé’its ne’ets ka putun.

Ban artículos axi i tsu’uwits i exóbna’ talchik i k’ej kaw axi in tejwamedhál abal u k’wajatits «tin taltal an xe’tsintaláb» (2 Timoteo 3:​1-5). A Dios in t’aja’ abal ka dhuchan ti Biblia axé’ xi kej kaw abal antsaná’ wawá’ ki ko’oy jun i aychixtaláb (Romanos 15:4). Axé’chik xi k’ej kaw k’wajatits ti putnal, nixé’ in tejwamedhál abal patal an k’ibataláb axi k’wajat i tametnál xowé’, we’its ne’ets ka taley.

¿Jant’oj ne’ets ka wat’ey talbél tam ka pútunits patal axé’ xi k’ej kaw? A Dios ne’ets kin eyendha’ in Eyaltal abal kin abatna’ patal an Tsabál (Mateo 6:​9, 10). Ka tsu’uw jant’ini’ in ulal an Biblia abal ne’ets ku k’wajiy:

● Yabáts ne’ets ka wa’tsin i jayil. «Ne’ets kin bajuw ka wa’tsin yan i t’ayabláb ti Tsabál, ma tin ok’ an ts’en ne’ets ka wa’tsin wat’adh yan i t’ayabláb.» (Salmo 72:16.)

● Yab ne’ets ka wa’tsin i yaw’láts. «Nibal jun i k’wajíl ne’ets kin uluw: In k’wajat ya’ul.» (Isaías 33:24.)

● An Tsabál ne’ets ka k’ayum ts’ejkan juníl. «An waynek Tsabál ne’est ka lej kulbéj, ani taná’ ne’ets ka wa’tsin yan i t’ayabláb, ejtíl an azafrán.» (Isaías 35:1.)

Axé’ pel talchik i k’ej kaw axi in ulal an Biblia abal we’its ne’ets ka putun. Max a lé’ ka exla’ más, ka konoy jun i ólchix k’al a Jehová jalé’ ti jajá’ in lej belál abal ne’ets ka putun axé’ xi kaw.