Pengidup Jemah Ila ti Manah Deka Datai!

‘Enda lama da agi orang ke jai deka abis; Tang orang ke baruh ati deka bempu menua tu lalu diau lantang ngena pengaya sida.’—MASMUR 37:10, 11.

WKATI nuan deka meda semaya tu dikeamatka? Ka! Nuan ulih andal, pengadang tu deka nyadi enda lama da agi.

Artikel sebedau tu udah nunjukka bukti, kitai benung idup ba “hari ti penudi” baka ke dipadah dalam Bup Kudus. (2 Timoti 3:1-5) Petara meri roh kudus ngagai penulis Bup Kudus kena nulis pasal pengadang ke patut ditemu kitai. (Rome 15:4) Nama kebuah? Laban, tu ngasuh kitai andal penanggul ke dipeda kemayaharitu deka lenyau.

Nama utai ke deka nyadi pengudah nya? Perintah Petara deka merintah ba serata dunya. (Matthew 6:9) Maya nya, semua semaya Bup Kudus baka ba baruh tu deka dikeamatka!

● Nadai agi lapar pungkang. “Awakka gandum seruran mayuh di menua. Awakka bukit penuh laban utai ti ditanam.”—Masmur 72:16.

● Nadai agi penyakit. “Nadai orang ke diau dalam menua kitai deka mutap madahka diri sakit.”—Isaiah 33:24.

● Bumi deka diaduka. “Menua puang deka rami gaga, lalu bungai deka tumbuh di menua ti kusi.”—Isaiah 35:1.

Tu semina sekeda ari berekat ke disebut dalam Bup Kudus. Kati nuan deka nemu mayuh agi? Saksi-Saksi Jehovah gaga ati nulung nuan belajarka pengadang ari Bup Kudus tu.