CHI TEˇ CO-E Aꞈ KEHˉ DAꞈ JAˇ VE GA LA PAˇ NEˇ˗Oˬ!

‘Haiˬ ve chaw teˇ hpaˍ lehˬ, teˇ hkui tiˉ mehˉ kʼai tuˬ yoˬ. Yaꞈ hkʼaˇ, nyi ma nuˇ nehˬ ve chaw hui lehˬ, mvuhˇ miˬ hkʼaw lo gawˬ lehˍ gʼa chehˇ leh, uiˍ la daꞈ la tuˬ yoˬ.’—CHIˇ MVUH VE 37:10, 11.

Tcuh kaˍ paˍ ve tawˇ hkawˇ chi nawˬ awˬ tehˬ hpehꞈ la tcuh gaˇ˗aw laˇ? Awˬ tehˬ hpehꞈ la tcuh gaˇ ve yoˬ. Maˇ maw ve awˬ yanˇ tcuh kaˍ paˍ ve tawˇ hkawˇ chi awˬ tehˬ hpehꞈ la g’a ve tehꞈ shaˉ hkiˆ laiˉ maˬ cawˬ ve yoˬ.

Awˬ g’uˇ suhˍ htaˇ Liꞈ hpu hk’aw tcuh kaˍ paˍ ve tawˇ hkawˇ teˇ hpaˍ hpaˍ ngaˬ hui g’a henˇ˗oˬ ve hk’e, ngaˬ hui “awˬ leh meuˇ ve awˬ nyi awˬ haˉ teˇ hpaˍ awˬ hkʼaw lo” chehˇ taˍ ve tehꞈ hk’a tawˍ lehˆ g’a mawˬ ve yoˬ. (2 Tiˆmoˉseˍ 3:1-5) Ngaˬ hui dawˇ law kuiˬ cawˬ tuˬ G’uiˬ sha Liꞈ hpu bvuhꞈ paˍ htaꞈ dawˇ pawnˍ piˇ leh awˬ heˆ chi ve teˇ hpaˍ htaꞈ caˉ daꞈ ve awˬ g’uˇ suhˍ htaˇ kaꞈ bvuhꞈ tcuh taˍ ve yoˬ. (Roˉmaꞈ 15:4) Tcuh kaˍ paˍ ve tawˇ hkawˇ chi teˇ hpaˍ awˬ tehˬ hpehꞈ la ve lehˬ, tuꞈ ve hkanˍ ve chi teˇ hkui ngaˬ hui g’a hpuˇ chehˇ ve lehˬ peuˬ la paˇ neˇ˗oˬ ve yoˬ.

Awˬ leh meuˇ ve awˬ yanˇ peuˬ hk’awꞈ nawˉ hk’aˬ hk’e hpehꞈ la tuˬ le? G’uiˬ sha ve mvuhˇ miˬ lehˬ miˬ guiˬ chi hk’oˆ lo uˉ peunˍ la tuˬ yoˬ. (Maꞈhtehˍ 6:9) Oˇ ve teˇ yanˇ miˬ guiˬ hk’oˆ lo hpehꞈ la tuˬ ve awˬ ceuˬ htaꞈ caˉ daꞈ ve Liꞈ hpu hk’aw hk’aˬ hk’e k’oˆ laˇ taˍ ve awˬ ceuˬ htaꞈ teˇ geh nyi sheˍ.

● Meuꞈ ve kaˆ ve maˇ k’awꞈ cawˬ˗o. ‘Mvuhˇ miˬ awˬ hkʼaw lo caˬ shiˍ hkʼa biˇ cawˬ la piˇ˗oˆ. Hkʼaw pui ehˉ teˇ hpaˍ awˬ hkʼoˆ lo caˬ yeˬ hkʼa biˇ cawˬ la piˇ˗oˆ.’—Chiˇ mvuh ve 72:16.

● Naˬ beuˬ a naˍ mehˉ k’ai tuˬ yoˬ. “Ngaˬ hui ve mvuhˇ miˬ hkʼaw chehˇ taˍ ve chaw teˇ hpaˍ lehˬ, naˬ ve gawˬ ve htaꞈ pa taw teˇ pawˆ kaꞈ gʼa kʼawꞈ hkʼanˇ tuˬ ve maˇ heˆ.”—Iˉsaˍyaˆ 33:24.

● Miˬ guiˬ awˬ suhˉ cawˬ la tuˬ yoˬ. “Hteunˍ lonˉ teˇ hpaˍ ha lehˬ leh, suhˉ veˆ teˇ hpaˍ lehˬ gawˬ cu gawˬ pehˆ ve mvuhˇ miˬ hkʼaw veˆ tawˆ la tuˬ yoˬ.”—Iˉsaˍyaˆ 35:1.

Maˇ maw ve awˬ yanˇ hk’aw awˬ tehˬ hpehꞈ la tuˬ ve awˬ ceuˬ chi ve lehˬ, awˬ g’aˇ peꞈ laˇ tuˬ Liꞈ hpu hk’aw ve tcuh kaˍ paˍ ve tawˇ hkawˇ teˇ hpaˍ hpaˍ ceh hpehꞈ sheˍ ve yoˬ. Yaˬhoˉvaˬ ve Shaˉhkiˆhkanˍ ve chaw lehˬ miˬ guiˬ awˬ suhˉ gaˬ la chehˇ˗oˬ ve tehꞈ yonˍ ve awˬ lawn nawˬ htaꞈ k’oˆ maˍ laˇ tcuh gaˇ ve laˇ?