Aiweig̃neꞌen hap waku poꞌog̃ rakat ȳt pyaꞌi raꞌyn
Aiweig̃neꞌen hap waku poꞌog̃ rakat ȳt pyaꞌi raꞌyn
— Ȳt pyaꞌi raꞌyn ȳt nakuꞌi nug̃ haria ieig̃neꞌen hap moweityk hamuat. Maꞌato mītꞌīn paa iꞌatuꞌe rakaria pe yne mesūwat yi iꞌatupo pe topyhuꞌat hamo. Miꞌi hawyi iꞌatuwoꞌowese hap topyhuꞌat. — SAUMU 37:10 hawyi 11
Erehaꞌat terān asom meig̃muewuat Ieuwa piat aru e hap wemoherep hap koꞌi kape. Miꞌitā̃. Watimohey kuap kahato Tupana aru e hap tuwemoherep hamuat pykai.
Mesūwat popera piat wemūꞌe hap koꞌi watuwemūꞌe raꞌyn Tupana Ehay piat wemoherep hap koꞌi niatpo hap eꞌāt turān hap etiat. (2 Timoteu 3:1-5 kape) Tupana tiꞌatuꞌaira ihaig̃niaꞌīn taꞌatuwan korā̃ wuat wemoherep hap koꞌi etiat aimoesaika kahato hamo. (Humanu 15:4) Tupana aru e hap koꞌi wemoherep hap aimūꞌe ȳt pyaꞌi raꞌyn wahoꞌopot hap koꞌi ikahuro hamo.
Miꞌi hawyi kan tuwemoherep hamo. Iesui morekuatno hamo toig̃neꞌen mesūwat yi tote. (Mateu 6:9) Maꞌato aikotā̃ aru mesūwat yi tote aheig̃neꞌen hap. Erehaꞌat o kan Tupana Ehay henoi.
● Ȳt katꞌi poꞌog̃ hamuat sȳꞌat hap — Miꞌi hawyi mesūwat yi tote wuatꞌi mikoi koꞌi hẽtyt kahuria kahato hāt kahato rakaria wo yihot pe iꞌewȳte yityꞌok koꞌi tote wy. — Saumu 72:16.
● Ȳt katꞌi poꞌog̃ hamuat ahū hap koꞌi — Mekewat eꞌāt pe ȳt wentup okꞌi toig̃neꞌen iꞌahū hap wȳwo katupono yne mītꞌīn iꞌatuehaig̃te rakaria wo tukupteꞌen. — Isaia 33:24.
● Mesūwat yi tuwemompakupꞌi hamuat — Miꞌi hawyi ti aru yahig̃ iwatoꞌīn nakaria teꞌeropyhuꞌat iwepīt kahato rakaria wo yne raꞌyn. Yahig̃ note ihaig̃te kahato rakaria wo raꞌyn teꞌeropyhuꞌat.— Isaia 35:1.
Tupana Ehay henoi poꞌog̃ wemoherep hap wakuat koꞌi etiat. Etikuap poꞌog̃ terān aikotā̃ aru weig̃neꞌen hap poꞌog̃ waku rakat etiat pote Ieuwa Ehay Enoi Haria epowȳro kuap.