Sacha Zayla Glei Bessah Sei!

“Noch en glenni zeit, un di gottlohsa sinn nimmi do . . . Di daymeedicha zayla’s land eahva, un zayla sich froiya mitt en grohsah fridda.”​—PSALM 37:10, 11.

VETSHT du deah prophecy sayna voah kumma? Du vetsht andem. Miah henn reeli goodi reesins fa glawva es’s glei haebna zayld.

Di articles eb deah shvetza yusht veyyich dayl funn di prophecies in di Bivvel es veisa es miah “in di letshta dawwa” sinn. (2 Timotheus 3:1-5) Gott hott mensha gyoost fa dee prophecies anna shreiva so’s miah en goodi hofning havva kenna. (Römer 15:4) Koss es dee prophecies am folfild vadda sinn, sell maynd es di problems es miah henn nau glei enda zayla.

Vass zayld haebna nohch di letshti dawwa? Gott Sei Reich zayld ivvah awl mensha roola. (Matthäus 6:9, 10) Gukk moll vass di Bivvel sawkt veyyich vi’s sei zayld uf di eaht an selli zeit.

● Nimmand zayld hungahrich gay. “Loss es frucht dikk shtay im land, loss es sich zrikk un faddi beeya drovva uf di hivla.”​—Psalm 72:16.

● Es zayld kenn disease may sei. “Nimmand es in Zion voond zayld sawwa, ‘Ich binn grank.’”​—Jesoiya 33:24.

● Di eaht zayld viddah neiy gmacht sei. “Di vildahnis un’s drukka land zayla sich froiya, es veesht land zayld fraylich sei un zayld bleeya mitt blumma.”​—Jesoiya 35:1.

Dess sinn yusht poah funn di prophecies in di Bivvel es glei folfild sei zayla. Favass frohksht nett Jehova Sei Witnesses favass es si so shuah sinn es sacha glei bessah sei zayla?