Chalik iloq reh jenaj holohik kʼacharik
Chalik iloq reh jenaj holohik kʼacharik
«Reʼ taqe i yiibʼ wach kinaʼojbʼal ilookʼ insahchik kiwach [...]. Raaj taqe i xa kilochʼik naakehchaam i yeʼaabʼ qʼorooj ribʼiral keh. Eh naa kianam i rusuqkiil i wihik pansuqkiil kʼuxliis.» (SALMO 37:10, 11)
¿INAWAAJ NA chi ne nooj eloq wach i qʼorooj cho rubʼiral wilih? Mareh inawaaj. Wilik taqeh ehtalil irukʼuhtaaj chi ilookʼ inkʼularik i wilih.
Reʼ taqeh naʼojbʼal reʼ koreʼ xqil xqʼorik chi riij juʼjun taqeh qʼorooj cho rubʼiral reʼ wilkeebʼ pan Santo Laj Huuj reʼ rukʼuhtaaj chi wilkooj chik pan tzʼapaabʼ taqeh qʼiij (2 Timoteo 3:1-5). Reʼ Dios ruukʼ i rusanto laj uxlabʼal xubʼan chi reʼ taqeh winaq ne inkitzʼihbʼaaj i kʼahchiʼ qilom yuʼnaak eh jeʼ reʼ ne inwihʼik quyʼinik (Romanos 15:4, TNM). Reʼ taqeh qʼorooj cho rubʼiral wilih irukʼuhtaaj chi reʼ taqeh kʼaxkilaal qoj-ikʼik wiiʼ yuʼnaak ilookʼ insahchik kiwach.
Ruum chi wilkooj chik pan tzʼapaabʼ wach ree qʼiij, ¿chajarik chik naruchalik? Reʼ Runimaal Rajaawriik i Dios narutaqʼanik chi naah i wach akʼal (Mateo 6:9, 10). Chawil iruqʼor i Santo Laj Huuj:
● Maʼ na ta chik ruwihʼik wiʼjaleel. «Naruwachinik chuʼnchel taqeh tik chi naah i wach akʼal, eh xikʼ naah kʼihaal taqeh tik naruwihʼik chi naah taqeh yuuqʼ.» (Salmo 72:16, TNM.)
● Maʼ na ta chik ruwihʼik taqeh yabʼilaal. «Maʼ jinoʼq chik naa ruqʼoriik chi jeʼ wili: Reʼ hin, hin yowaabʼ.» (Isaías 33:24.)
● Naruaʼbʼik woʼ chik i akʼal. «Reʼ i xkahnik chi chiq yuuqʼ naa woʼ chik rusuuqbʼik rukʼux. Reʼ chiq akʼal naa chik reliik i uhtzʼubʼ chuwach.» (Isaías 35:1.)
Reʼ wilih xa kiʼibʼ ixibʼ chi ehtalil reʼ ruqʼorom i Santo Laj Huuj chi narojik eloq wach. Mi inawaaj anabʼeem ruman chi riij i wilih, chapahqaaj reh jenoʼ testigo reh Jehová chi ne ruqʼor rubʼehel aweh chaj woʼ reet chʼiklik rukʼux chi naruwihʼik jenaj holohik kʼacharik.