Sumaq kawsay qayllapiña
Sumaq kawsay qayllapiña
“Tumpamantawanqa manaña sajra runas kanqankuchu [...]. Llampʼu sonqoyojkunatajrí kay pachata herenciata jina japʼenqanku, allin kawsaypitaj kusisqa kanqanku.” (SALMO 37:10, 11)
KAY profecía juntʼakunanta, ¿munawaqchu? Arí, kay profecía pisi tiempomantawan juntʼakunantapuni yachakun.
Ñawpaq yachaqanaspiqa Bibliap wakin profeciasnillanta ukhuncharqanchik, chaykunataq sutʼimanta “khepa tiempospi” kawsakuchkasqanchikta rikuchin (2 Timoteo 3:1-5, Dios Parlapawanchej). Dios, Bibliata qillqaqkunata yuyaycharqa imaynachus kay qhipa pʼunchaykuna kananmanta willanankupaq, ajinamanta suyakuyniyuq kananchikpaq (Romanos 15:4). Kay profecías juntʼakuchkasqantaq tukuy ñakʼariykuna pisi tiempollapaqña kasqanta rikuchiwanchik.
Qhipa tiempos tukukuptin, ¿imataq kanqa? Diospa Reinon runata kamachinqa (Mateo 6:9, 10). Bibliapi kayjina kananta nin:
● Yarqhay manaña kanqachu. “Nacionnimpeqa ashkha trigo ka[nqa]; orqo puntaspipis trigoqa wayrawan pujlla[nqa].” (Salmo 72:16.)
● Unquykuna manaña kanqachu. “Mana pipis nenqachu: Onqosqa kani, nispaqa.” (Isaías 33:24.)
● Jallpʼa kutirinqa. “Chʼin pampapis, tʼojra pampapis kusikonqanku. Qʼara pampapi kusikuspa, qhallallarishaj rosas jina tʼikanqa.” (Isaías 35:1.)
Kay profecías juntʼakusqanqa wakillan kanku, imaraykuchus tumpamantawan wak profecías juntʼakunqa. Astawan yachayta munanki chayqa, Jehovamanta sutʼinchaqkunata sumaq kawsay qayllapiña kasqanpi creesqankuta sutʼinchasunankuta mañakuy.