Hoavy Mahafale Tsy ho Ela!

“Fa kedekedeke avao ty sisa le tsy hisy sasa ty ndaty raty fagnahy ... Ze ndaty mpandefetse avao ro handova ty tane toy, le ho fale amy ty fiadanam-bey.”​—SALAMO 37:10, 11.

TEA’O vao naho eo rehe naho fa tanterake o faminaniagne iohoe? Misy anto’e marem-pototse inoagne fa ho tanterake tsy ho ela io.

Faminaniagne maro ty magnaporofo fa miaigne amy ty “andro fara’e” tikagne. Ty ila’e ama’e avao i nidinehentikagne teo rey. (2 Timoty 3:1-5) Nampirehafen’Andrianagnahare mialoha ireo ty mpanoratse o Baibolio mba hanagnantikagne fanantenagne. (Romanina 15:4) Tsy ho ela, le ho tapetse ty olagne mahazo antikagne kanao tanterake i faminaniagne rey.

Ty Fanjakàn’Andrianagnahare ty hinday o ndatio afara i andro fara’ey. (Matio 6:9) Hanao akore ty fiaignagne an-tane etoy amy izay? Hoe ty Baiboly:

● Hofoagnagne o kerégneo. “Hahavokatse ty tane toy, le ndra ty ambone vohitsey ho vokatse iaby.”​—Salamo 72:16.

● Hofoagnagne o aretegneo. “Tsy hisy sasa ty ndaty hanao tihoe tie: ‘Marare raho.’”​—Isaia 33:24.

● Hohavaozegne ty tane toy. “Hifale ty tane efetse naho ty tane maike, le hirebeke ty lemake maike sady hamelagne hoe folera safrona.”​—Isaia 35:1.

Ty ila’e amy i faminaniagne ho tanterake tsy hoelay reo. Nagnino naho agnontenea’o o Vavolombelo i Jehovah-o tie, nagnino iareo ro tena mino fa hisy raha soa hiseho tsy ho ela?