Jun tsamal smalajel ke wanxa x-ilxi
Jun tsamal smalajel ke wanxa x-ilxi
«Sok tʼusanxta skʼana, sok ja matik jel malo mixa oj ajyuk [...]. Pe ja matik chʼin wa xyaʼa sbʼaji oj sbʼajuke ja luʼumi, sok jel oj yabʼye stsamalil ajyel laman» (SALMO 37:10, 11).
¿WAN MAʼ xa kʼana oja wil oj kʼot smeranil ja jaw? Seguro ke wan. Pes ayni rasonik bʼa skʼuʼajel ke jelxa mojan oj kʼot smeranil.
Ja bʼa artikuloʼik ekʼi kechantani wa xcholo jujuntik ja bʼa jas yalunejxakan oj ekʼuk ja Biblia bʼa wa xchiktes lek ke ayotikxani ja bʼa «tsaʼanikxta kʼakʼu» (2 Timoteo 3:1-5). Ja Dyosi yeʼnani ya ekʼyi ja tsʼijbʼanumik bʼa Biblia bʼa oj yal-e ke oj ekʼuk ja jastik jaw sok bʼa jachuk oj ajyukujtik smajlajel (Romanos 15:4). Ja jastal wan kʼotel smeranil ja jas alubʼalkani wa xchiktes ke ja jwokoltiki jelxani mojan oj kan bʼa jpatiktik.
¿Jasa oj ekʼuk ja yajni xchʼak ja tsaʼanikxta kʼakʼu? Ja kristyano jani oj ajuke mandar yuja sGobyerno ja Dyosi (Mateo 6:9). Kʼela ja rekuagro wa xcholo ja Biblia:
● Mixa oj ajyuk waʼin. «Oj ajyuk jitsan sat jastik junuk ja bʼa luʼumi; sok ja bʼa sniʼ ja witsiki oj jelxuk ele» (Salmo 72:16).
● Mixa oj ajyuk chamelik. «Mini jun swinkil oj yale: ‹Maloʼayon›» (Isaías 33:24).
● Oj cha tojbʼuk ja Luʼumi. «Ja takin kʼinal soka takin luʼumi oj bʼut-el gustoʼil, sok ja lajan kʼinal bʼa takini gusto oj ajyuk sok oj nichinuk jastal ja azafrán» (Isaías 35:1).
Ja it kechantani jujuntik sjejel bʼa jel xyaʼa kulan jkʼujoltik ja jas yalunejkan oj ekʼuk ja Biblia bʼa jelxani mojan oj kʼot smeranil. Ta waxa kʼana oja naʼ mas, kʼanayi jun testigo bʼa Jyoba bʼa oj xcholo wabʼ jas yuj seguro lek ay ke ayni jun tsamal smajlajel ke wanxa x-ilxi.