Эки өскерлиишкиннер кел чыдар

«Ам бичии болгаш, бузуттуг кижи чок апаар... А биче сеткилдиг улус чер-чуртту салгап алгаш, чаагай чоруктуң элбээнге таалаар» (ЫРЛАР 36:10, 11).

БО өттүр билген медеглелдиң күүсеттинерин көрүксээр-дир силер бе? Ийе! Ол күүсеттине бээр деп бүзүрээр быжыг үндезиннер бисте бар.

Бо статьяларда «сөөлгү хүннерде» чурттап турарывысты бадыткап турар чүгле каш библейжи өттүр билген медеглелди сайгарган (2 Тимофейге 3:1—5). Бурган бисти келир үеже идегелдиг болзун дээш, бо өттүр билген медеглелдерни бараалгакчыларынга бижидип каан (Римчилерге 15:4). Оларның күүсеттинип турары бистиң таваржып чоруур бергелеривис удавас турбас деп көргүзүп турар.

Ооң соонда чүү боор? Бүдүн чер-делегейни Бурганның Чагыргазы башкарып эгелээр (Матфей 6:9, 10). Ол үеде черге кандыг өскерлиишкиннер болурун Библияда мынчаар бижээн:

● Аш-чут турбас. «Даглар бажынга тараа элбек бол[ур]» (Ырлар 71:16).

● Аарыглар турбас. «Черивистиң чурттакчыларындан кым-даа: „Мен аарып тур мен“ — дивес» (Исайя 33:24).

● Чер чаартына бээр. «Ээн кургаг хову база кадып калган чер өөрүп-хөглээр, кагып-суксаан чер өөрүп-байырлаар, лилия ышкаш чечектелир» (Исайя 35:1).

Бо дээрге удавас күүсеттинер библейжи кайгамчык өттүр билген медеглелдерниң чүгле кажы-дыр. Иегованың Херечилеринден эки өскерлиишкиннер удавас болур деп чүге бүзүреп турарын айтырыңар.