Ay bin lek yakotik ta smaliyel
Ay bin lek yakotik ta smaliyel
«Nopol ya xchʼay bahel te machʼa chopol; yac ale, pero ma ba tey ayix a. Yan te machʼatic manso yoʼtanic ya me yichʼic hilel te qʼuinal soc ya me smulanic bayel lamal qʼuinal» (SALMO 37:10, 11).
¿YABAL amulan te yakuk xkʼot ta pasel te albilkʼop ini? Yak, melel ay pruebaetik te yuʼun-nix jich kʼot ta pasel-a.
Ta articuloetik te la jnoptikixe la yakʼbotik kiltik cheʼoxeb albilkʼopetik te ya yakʼ kiltik te ayotikix ta kuxinel «ta slajibal cʼahcʼal» (2 Timoteo 3:1-5). Te Dios la yakʼbey ta yoʼtan te machʼatik la stsʼibayik te Biblia yuʼun ya yalik te bin ya xkʼot ta pasel sok te ya yakʼ smukʼul koʼtantik. (Romanos 15:4). Te bitʼil yakix ta kʼoel ta pasel te albilkʼopetik ya yakʼ ta ilel te nopol ya xlajix skʼoplal te wokoliletik.
¿Bin ya xkʼot ta pasel teme laj skʼoplal te wokoliletik? Te Wentainel yuʼun Dios jaʼ ya swentain te ants winiketik (Mateo 6:9, 10). Ilawil te bin ya yal te Biblia:
● Maʼyukix wiʼnal. «Ayuc me bayel trigo ta lumqʼuinal, ta baba witsetic» (Salmo 72:16).
● Maʼyukix chamel. «Mayuc machʼa te nahinem ta Sión te hich ya yal: Ayon ta chamel» (Isaías 33:24).
● Ya x-achʼub te Balumilal. «Te jochol taquin qʼuinal soc te taquin lum; tseʼel yoʼtan te jochol taquin qʼuinal, hich ya xnichin te bin utʼil te tsajal nichime» (Isaías 35:1).
Spisil ini jaʼ te bin nopol ya xkʼotix ta pasele. Teme ya akʼan anaʼbeyxan skʼoplale kʼanbeya jtul testigo yuʼun Jehová te yakuk scholbat ¿bin yuʼun te schʼuunej koʼtantik te ay bin lek ya jmaliytik ta pajel chaʼbej?