Ӝоген улон умой пала воштӥськоз

«Кема ик ӧвӧл ни — сьӧлыклэсь кышкасьтэм уз кыльы ни... Нош зӥбыт-востэм улӥсьёс музъем басьтозы, каньыллыклэн трос луэменыз эзылозы» (ПСАЛТИРЬ 36:10, 11).

ПОТЭ-А тӥляд адӟемды та азьпалзэ ивортонлэсь быдэсмемзэ? Туж потэ! Милям мугъёсмы вань оскыны, со ӝоген быдэсмоз шуыса.

Та статьяосын верамын вал Библиысь куд-огез гинэ азьпалзэ ивортонъёс сярысь, кудъёсыз возьмато, ми «берпум аръёсы» улӥськомы шуыса (2 Тимофейлы 3:1—5). Инмар аслэсьтыз ужась-тыршисьёссэ та азьпалзэ ивортонъёсты гожтыны косӥз, милям осконмы мед луоз шуыса (Римъёслы 15:4). Соослэн быдэсмемзы возьматэ, шуг-секытъёс, кудъёсыныз ми пумиськиськомы, ӝоген бырозы шуыса.

Нош мар луоз собере? Быдэс музъемен кивалтыны кутскоз Инмарлэн Эксэйлыкез (Матфей 6:9, 10). Тани мар вера Библия со сярысь, кыӵе воштӥськонъёс луозы со вакытэ.

● Сютэм улон уз луы ни. «Музъем вылын, гурезьёс йылын удалтэм нянь мед луоз» (Псалтирь 71:16).

● Висёнъёс уз луэ ни. «Улӥсьёс пӧлысь одӥгез но уз шуы: „Мон висисько“» (Исаия 33:24).

● Музъем выльдӥськоз. «Луоё кыр, кӧс музъем шулдыръяськоз, калыктэм музъем шумпотоз, лилия кадь со сяськаяськоз» (Исаия 35:1).

Та Библиысь куд-огез гинэ шумпоттӥсь азьпалзэ ивортонъёс, кудъёсыз ӝоген быдэсмозы. Юалэ Иеговалэн Адӟись-Ивортӥсьёсызлэсь, малы соос оско, ӝоген улон умой пала воштӥськоз шуыса.