Matan Yaana Loˈˈo Wodiyaa!

“Iitaa oottiyaageeti guutta wodiyaappe guyyiyan de7okkona; . . . SHin ashkketi biittaa laattana; eti sarotettaaninne duretettaani ufaittidi daana.”​—MAZ. 37:10, 11.

HA XIQISIYAN odettida hiraagay polettin beˈanau koyay? Neeni beˈanau koyiyoogee sirissenna. Hegee mata wode polettanaagaa ammananaadan oottiya mino naqaashay deˈees.

Kaseti beˈido huuphe yohoti, nuuni ‘wurssetta gallassatun’ deˈiyoogaa akeekissiya Geeshsha Maxaafaa hiraagatuppe amaridaagaa qonccissidosona. (2 Xim. 3:1-5) Nuuyyo hidootay deˈanaadan, Geeshsha Maxaafaa xaafida asati he hanotata kasetidi xaafanaadan Xoossay geeshsha ayyaanan eta kaalettiis. (Roo. 15:4) He hiraagati polettiyoogee ha wodiyan nu bolli gakkiya metoy mata wode xayanaagaa bessees.

Wurssetta gallassaappe simmin hananabay aybee? Xoossaa Kawotettay asaa naata ubbaa haarana. (Maa. 6:9) Geeshsha Maxaafay saˈan he wode hananabaa yootiyoobaa akeeka:

● Namisay xayana. “Biittan daro kattai mokko; dereti kattan kamettona.”​—Maz. 72:16.

● Harggee xayana. “Xiyoonen de7iya ooninne, ‘Taani harggais’ yaagenna.”​—Isi. 33:24.

● Saˈay ooraxxana. “Bazzoinne mela biittai ufaittana; bazzoi ufaissaa poocu giiddi, ciishshaa ciyyana.”​—Isi. 35:1.

Hageeti mata wode polettana, Geeshsha Maxaafan deˈiya minttettiya hiraagatuppe amaridaageetu xalla. Yihoowa Markkati matan loˈˈo wodee yaanaagaa ammanettiyoy aybissakko eranau aybissi eta oychikkii?