OKˈIXË tyäˈädë dibujë. ¿Mˈijxypy ko tadë borreegë seguurë nyayjawëty ko të myëjˈoˈkpety mä wyintsën? Mä Salmo 23, jap tmaytyaˈaky tuˈugë borreegë kuentˈäjtpë, parë yaˈijxkijpxyë wiˈixë Jyobaa ttseky ets tkuentˈaty pënaty mëduunëp. Yëˈë tsyejpy ets seguurë nayjäˈäwëm extëmë David, diˈib jënan: “Jyobaa yëˈëjëts nPastoorˈäjtypy” (bersikulo 1). *

David borreegë kuentˈäjt mä yˈënäˈkˈäjty ets nyijäˈäjë tijaty naybyudëkë tsyojktëbë borreegë ets tijaty mbäät ttuny ja borreegë kuentˈäjtpë. Nan të natyë tˈixy wiˈixë Jyobaa kyuentˈatyëty, pääty ojts tmaˈkxyë tyäˈädë Salmo diˈib yajxëëmoopy “tuˈugë salmo diˈib xyajnayjäˈäwëm seguurë”. Mä tsyondaˈaky ets mä kyexy, myëmiimbyë Diosë xyëë, Jyobaa (bersikulo 1 etsë 6). Etsë bersikulo diˈib miimp kujkˈääy, tëgëk peky tmaytyaˈaky wiˈixë Jyobaa tkuentˈaty pënaty mëduunëp, duˈun extëm tuˈugë borreegë kuentˈäjtpë tkuentˈaty ja byorreegë (Salmo 100:3).

Jyobaa tyuˈumoobyë byorreegë. Pën kyaj pën ja borreegë kyuentˈatyëty, ta tyëgoytyë. Nanduˈun ëtsäjtëm, ntsojkëm ets pën xypyudëjkëm parë nbanëjkxëm ja oybyë nëˈë tuˈu (Jeremías 10:23). David tnimaytyaˈaky ko Dios yajnëjkxypy pënaty mëduunëp “ääyoty mëëyoty”, “mä poˈkxtakn mä jyapëtyë kom nëë” ets mä “nëˈë tuˈu diˈib tëyˈäjtën mëët” (bersikulo 2 etsë 3). Tyäˈädë ijxpajtën yëˈë niˈigyë yajkëktëjkëbë mëbëjkën mä Jyobaa. Pën nbanëjkxëm extëm xytyuˈumoˈoyëm mët yëˈëgyëjxmë Biiblyë, ta nëjkx nbatëmë nikˈäjt xeemyˈäjtën, jotkujkˈäjtën ets nayjäˈäwëm seguurë.

Jyobaa kyuwaambyë byorreegë. Ko kyaj pënë borreegë kuentˈäjtpë, tsëˈkëdëp ja borreegë ets mbäät wiˈix jyattë. Jyobaa yˈanmaapy pënaty mëduunëdëp ko kyaj tiko tsyëˈëgëdët, axtë oy nyaxtët “mä ajoy diˈib jantsy kootsëm”, jaˈa njënäˈänëm ko dyajnaxtëdë mëjwiin kajaabë jotmay (bersikulo 4). Jyobaa kuentˈäjtëdëp, xëmë yˈity listë parë pyudëkëyäˈänëdë. Mbäät myoˈoyëdë wijyˈäjtën etsë jotmëkˈäjtën parë twinguwäˈägëdët ja jotmay (Filipʉs 4:13; Santya̱ˈa̱gʉ 1:2-5).

Jyobaa yajjeˈxypyë byorreegë. Ja borreegë net jyëˈxtët pën mooyëdëp ja wyintsën, nanduˈun ëtsäjtëm, xytyëgoyˈäjtxëmë Diosë jyaˈa ets yëˈë Jyobaa diˈib mbäät xymyoˈoyëm (Matewʉ 4:4). Jotkujk xyajnayjäˈäwëm ko Jyobaa xymyoˈoyëmë oyatypyë käˈäy ukën ets kanäk këˈëy diˈib xyaˈujts xyajjotkëdakëm (bersikulo 5). Xymyoˈoyëmë Biiblyë etsë ëxpëjkpajn, extëmë tyäˈädë rebistë diˈib yam ngajpxypy, duˈun nyaxy extëmë käˈäy ukën parë nnijäˈäjëm tiko nyajpatëm yä naxwiiny ets ti Dios të ttuknibëjtäägë parë naxwinyëdë jäˈäy.

David seguurë yˈijty ko pën yajpatp wingon mä Tyeetyë tsäjpotmëdë, nëjkxëp kyuentˈatyëty nuˈun ja xyëë jyukyˈäjtën (bersikulo 6). ¿Mnayjawëyanëp nanduˈun seguurë? Pën duˈun, nnijawë wiˈix xymyëwingonëdë Jyobaa, duˈuntsoo nëjkx mˈity Mëj Borreegë Kuentˈäjtpë kyëˈëjoty, diˈib tuˈumoopy, kuwäämp ets diˈib myoobyë jyeˈxy pyeky pënaty mëduunëp (Isaías 40:11).

Tyäˈädë poˈo mbäät ngäjpxëmë Biiblyë:

▪ Job 38 axtë Salmo 25

[Notë diˈib noky ëxˈääy]