Kpep N̄kpọ To Ikọ Abasi

Ndi Idotenyịn Odu Ọnọ Mme Akpan̄kpa?

Ibuotikọ emi obụp mme mbụme emi ẹkemede ndidi emesibụp n̄ko, onyụn̄ owụt ebiet emi okpokụtde ibọrọ ke Bible fo. Mme Ntiense Jehovah ẹyema ndinam ibọrọ mbụme emi enen̄ede an̄wan̄a fi.

1. Nso idotenyịn idu inọ mme akpan̄kpa?

Ke ini Jesus esịmde Bethany emi odude ekpere Jerusalem, Lazarus ufan esie ama akpakpa ofụri usen inan̄. Ntre Jesus asan̄a ye Martha ye Mary, nditọeka akpan̄kpa, aka udi. Ibịghike, mme owo ẹdi ẹdiyọhọ do. Kere nte esịt enemde Martha ye Mary ke ini Jesus anamde Lazarus eset ke n̄kpa.—Kot John 11:20-24, 38-44.

Martha ama ọfọfiọk ke mme akpan̄kpa ẹyeset. Idịghe mfịn ke mme anam-akpanikọ asan̄autom Jehovah ẹfiọk ke Abasi ayanam mme akpan̄kpa ẹset ẹfiak ẹdidu uwem ke isọn̄.—Kot Job 14:14, 15.

2. Nso idi idaha mme akpan̄kpa?

Okposụkedi emi odudu uwem emi ẹkotde “spirit,” esinịmde mme owo ye mme unam uwem, emi iwọrọke ke spirit emi ododụn̄ ke ikpọkidem. (Ecclesiastes 3:19; Genesis 7:21, 22) Nnyịn idi owo, ẹkenyụn̄ ẹda ntan isọn̄ ẹbot nnyịn. (Genesis 2:7; 3:19) Ke ini mfre nnyịn akpade, kpukpru se isikerede ẹtak n̄ko. Ntre ke ekedi ye Lazarus. Ke enye ama ekeset ke n̄kpa, enye iketịn̄ke n̄kpọ ndomokiet iban̄a se iketịbede ke ini imọ ikakpade koro mme akpan̄kpa ifiọkke baba n̄kpọ kiet.—Kot Psalm 146:4; Ecclesiastes 9:5, 10.

Imenen̄ede ikụt mi ke mme akpan̄kpa ikemeke ndibọ ufen. Ọwọrọ ke se ẹkpepde mme owo nte ke Abasi esitụhọde mme owo ke ikan̄ ke mmọ ẹma ẹkekpa edi nsu. Utọ ukpepn̄kpọ emi ababiat Abasi enyịn̄ koro utọ ekikere emi esikam etetek enye esịt.—Kot Jeremiah 7:31.

  3. Ndi imekeme ndineme nneme ye mme akpan̄kpa?

Mme akpan̄kpa ikemeke nditịn̄ ikọ. (Psalm 115:17) Mme idiọk angel ẹsineme nneme ye mme owo, ẹnam nte idi mbon oro ẹkekpan̄ade. (2 Peter 2:4) Jehovah ọdọhọ ikûdodomo ndineme nneme ye mme akpan̄kpa.—Kot Deuteronomy 18:10, 11.

4. Mmanie ke ẹdinam ẹset ke n̄kpa?

Ata ediwak owo emi ẹdude ke udi ẹyeset ẹdidu uwem ke obufa ererimbot. Ẹyenam mbon oro ẹkenamde idiọkn̄kpọ sia mmọ mîkọfiọkke Jehovah ẹset n̄ko.—Kot Luke 23:43; Utom 24:15.

Mbon oro ẹdinamde ẹset mi ẹyenen̄ede ẹkpep n̄kpọ ẹban̄a Abasi ẹnyụn̄ ẹsụk ibuot ẹnọ Jesus ndiwụt ke imọbuọt idem ye enye. (Ediyarade 20:11-13) Mbon oro ẹdisetde ke n̄kpa inyụn̄ inam nti n̄kpọ ẹyedu uwem ke nsinsi ke isọn̄. Edi ndusụk mbon oro ẹdisetde ẹyeka iso ẹnam idiọkn̄kpọ. Ntem mmọ “ẹyeset ke n̄kpa ẹdụk ikpe.”—Kot John 5:28, 29.

5. Nso ke ediset ke n̄kpa ekpep nnyịn aban̄a Jehovah?

Abasi ndikọnọ Eyen esie edikpa ke ibuot nnyịn anam inyene idotenyịn ediset ke n̄kpa. Ntre Jehovah ada ediset ke n̄kpa owụt nnyịn ima ye mfọnido oro owo mîdotke.—Kot John 3:16; Rome 6:23.

Edieke oyomde ndifiọk n̄kpọ en̄wen, se ibuot 6 ye 7 ke n̄wed Nso ke Bible Enen̄ede Ekpep? emi Mme Ntiense Jehovah ẹsiode.

[Ndise ke page 16]

Ẹkeda ntan isọn̄ ẹbot Adam