Icipande ca Baice

Ifya Kukaana Amatunko

YOSEFE—ULUBALI 1

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti e ko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.

Abo balelandapo sana: Yosefe, umukashi wa kwa Potifari

Ifyo cali: Yosefe alikeene ilyo umukashi wa kwa Potifari alemupatikisha ukulaala nankwe.

1. TONTONKANYA PA CACITIKE.—BELENGA UKUTENDEKA 39:1-12.

Ukulingana ne fyo ule-elenganya, londolola ifyo ing’anda ya kwa Potifari yali ubukulu.

․․․․․

Bushe uletontonkanya ukuti Yosefe alemoneka shani? (Pa kusanga icasuko: Belenga na kabili icikomo 6.)

․․․․․

Ukulingana ne fikomo 8 na 9, bushe uletontonkanya ukuti ishiwi lya kwa Yosefe lyaleumfwika shani ilyo alelanda no mukashi wa kwa Potifari?

․․․․․

2. FWAILAPO IFYEBO NA FIMBI.

Cinshi cali no kulenga ukuti canguke kuli Yosefe ukucita ubulalelale? (Pa kusanga icasuko: Belenga Abena Filipi 2:12, kabili tontonkanya na pa fyo ifintu fyali kuli Yosefe. Ku ca kumwenako, bushe pali ilya nshita ni kwi kwali balupwa lwakwe na bo alepepa nabo Yehova?)

․․․․․

Ulemona ukuti cinshi calengele Yosefe alemona ukuti ukucita ubulalelale kwali kubembukila Lesa libe ninshi pali ilya nshita takwali ifunde lya kwa Lesa ilyalekaanya ukucita ubulalelale? (Pa kusanga icasuko: Belenga no kutontonkanya pa malembo yakonkapo: Ukutendeka 2:24; 12:17, 18; Abena Roma 2:14, 15; AbaHebere 5:14.)

․․․․․

  3 FINSHI WASAMBILILA MULI ILI LYASHI? LEMBA IFYO WASAMBILILAKO . . .

Pa fyo ukuilama kwa-ampana no mucinshi.

․․․․․

Pa fyo abakonka amafunde ya kwa Lesa banonkelamo.

․․․․․

Pa mulandu cacindamina ukukwata “amano aya kulekanya icalungama ne calubana.” (AbaHebere 5:14)

․․․․․

FINSHI FIMBI IFYO WASAMBILILAKO?

Finshi ifyo ushilingile ukucita pa kuti ukaane itunko lya kucita ubulalelale? (Pa kusanga icasuko: Belenga no kutontonkanya pali Yobo 31:1; Amalumbo 119:37; Abena Efese 5:3, 4.)

․․․․․

4 FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․

Nga tawakwata Baibolo, kuti walombako ku Nte sha kwa Yehova