Atuartartunut inuusuttunut

Ussernartut qanoq akiorneqarsinnaasut

JOSEFI — IMMIKKOORTOQ 1

Ilitsersuutit: Eqqissillutit akornusersorneqarnak sungiusarfigisinnaasanni una sungiusaatigiuk. Allassimaffiit atuarukkit takorlooruk nammineq najuullutit. Pisut takorluukkit. Nipaat tusaasutut ikkit. Inuttaasut qanoq misiginersut takorlooruk.

Inuttaasut pingaarnerit: Josefi, Potifarip nulia

Eqikkaaneq: Josefip Potifarip nulianik kinguaassiuutitigut atoqateqarnissamik ussernartoq akioraa.

1 OQALUTTUAQ EQQARSAATIGEQQISSAARUK. — ATUAKKIT MOSESIMIK ALLAKKAT SIULLIIT 39:1-12.

Potifarip illuata kusanartup qanoq isikkoqarneranik takorluukkatit allakkit.

․․․․․

Josefi qanoq isikkoqarsoraajuk? (Siunnersuut: Versi 6 atuaqqilaaruk).

․․․․․

Josefi qanoq misigisoraajuk versi 8-mi 9-milu Potifarip nulia oqaluukkamiuk?

․․․․․

2 SULI ITINERUSUMIK EQQARSAATIGIUK.

Sooq Josefi ileqqussatigut najoqqutarisaminik taamaatitsinissaminik ussernartorsiorsinnaava? (Siunnersuut: Atuaruk Filippimiut 2:12 Josefillu qanoq atugaqarnera eqqarsaatigalugu. Assersuutigalugu tamatuma nalaani Josefip ilaqutai uppeqataalu sumiippat?)

․․․․․

Sooq isumaqarpit Josefip allasiorneq Guutimut ajortuliornerusorigaa naak tamatuma nalaani allasiorneq pillugu Guutimit inatsiseqanngikkaluartoq? (Siunnersuut: Allassimaffiit uku atuakkit eqqarsaatigalugillu: 1 Mosesi 2:24; 12:17, 18; Romamiut 2:14, 15; Hebræerit 5:14)

․․․․․

  3 ILIKKAKKATIT ATUKKIT. UKU PILLUGIT ILIKKAKKATIT ALLATTUKKIT . . .

Imminut naalakkersinnaaneq imminullu ataqqineq imminnut qanoq attuumassuteqartut.

․․․․․

Guutip ileqqussatigut najoqqutassiaanik maleruaajuarnerup iluaqutissartai.

․․․․․

‘Ajunngitsumik ajortumillu immikkoortitsisinnaanermik’ ineriartortitsineq qanoq pisariaqartigisoq. (Hebræerit 5:14)

․․․․․

AAMMA MANNA EQQARSAATIGIUK.

Illit kinguaassiuutitigut ussernartunik akiuinissannut tunngatillugu qaqugukkut aalajangersimalluinnarsinnaavit? (Siunnersuut: Uku atuakkit eqqarsaatigalugillu: Jobi 31:1; Efesosimiut 5:3, 4).

․․․․․

4 OQALUTTUAMI MATUMANI SUNA ILINNUT PINGAARNERPAAVA, AAMMA SOOQ?

․․․․․

Biibili oqaatsinut assigiinngitsunut nutsigaq aamma biibililersaarutit amerlanerusut uaniipput www.watchtower.org