Ku ba Banca

Mo mu Kona ku Tiyela Muliko

JOSEFA—KALULO 1

Litaelo: Mu ezeze lika ze latelela ze, mwa sibaka se si kuzize. Ha mu nze mu bala mañolo, mu eze inge kuli ni mina mu sweli mwa abana mwa kezahalo yeo. Mu eze inge mwa bona ze ezahala. Mu utwe manzwi a bulelwa. Mu ikutwe mo ba ikutwela batu ba ba mwa taba ye. Mu ikutwe kuli ze mu bala li sweli za ezahala luli.

Batu ba ba bulezwi hahulu mwa taba mo: Josefa, Musalaa Potifaro

Taba ka bukuswani: Josefa u tiyela muliko wa ku lobala ni musalaa Potifaro.

1 MU NYAKISISE ZE EZAHALA.—MU BALE GENESE 39:1-12.

Mu taluse mo ne i bonahalela ndu ye tuna ya Potifaro ha mu nze mu nahana ka za ndu yeo.

Mu nahana kuli Josefa na bonahala cwañi? (Kuli mu fumane kalabo: Mu bale hape timana 6.)

Ki maikuto mañi e mu lemuha mwa linzwi la Josefa ha nze a ambola ni musalaa Potifaro mwa litimana 8 ni 9?

2 MU BATISISE KA BUTUNGI.

Ki nto mañi ye ne kona ku tahiseza Josefa kuli a lobale ni musalaa Potifaro? (Kuli mu fumane kalabo: Mu bale Mafilipi 2:12, mi mu nahane miinelo ya naa li ku yona Josefa. Ka mutala, ba lubasi lwa Josefa ni balapeli ba bañwi ba Jehova ne ba li kai ka nako yeo?)

Kana mu nahana kuli Josefa na ikutwile kuli ha na ka eza bubuki na ka foseza Mulimu, hailifo ka nako yeo ne ku si na mulao o no zwa ku Mulimu wa ku hanisa bubuki? (Kuli mu fumane kalabo: Mu bale ni ku nahanisisa fa mañolo a latelela: Genese 2:24; 12:17, 18; Maroma 2:14, 15; ni Maheberu 5:14.)

  3 MU SEBELISE ZE MU ITUTILE. MU ÑOLE LIKA ZE MU ITUTILE KA ZA . . .

Swalisano ye mwahalaa buiswalo ni ku kutekeha.

Ze nde ze ba fumana batu ba ba latelela likuka za Mulimu ka za muzamao. _______

Libaka ha ku li kwa butokwa ku twaelisa “kutwisiso” ya mina. (Maheberu 5:14)

ZE ÑWI HAPE ZE LU KONA KU ITUTA.

Ki mwa miinelo mañi ya bupilo mo lu swanela ku eza katulo ye tiile ka za ku tiyela muliko wa ku eza buhule? (Kuli mu fumane kalabo: Mu bale ni ku nahanisisa litaba ze kwa Jobo 31:1; Samu 119:37; Maefese 5:3, 4.)

4 KI KALULO MAÑI YA TABA YE, YE MI TUSIZE HAHULU, MI KI KABAKALAÑI?

Haiba ha mu na Bibele, mu kupe Lipaki za Jehova Kamba mu Kalime