Ta Vantshwa Va Hina

Ndlela Yo Lwisana Ni Miringo

YOSEFA—XIYENGE 1

Swiletelo: Endla xitoloveto lexi endhawini leyi nga riki na pongo. Loko u hlaya matsalwa, tianakanye u ri eka xiendlakalo xa kona. Xi vone hi mahlo ya mianakanyo. Twana leswi vanhu va kona va swi vulaka. Titwe hi ndlela leyi va titwaka ha yona. Endla leswaku rungula leri ri hanya.

Swimunuhatwa-nkulu: Yosefa ni nsati wa Potifaro

Nkatsakanyo: Yosefa u lwisane ni ndzingo wo endla timhaka ta masangu ni nsati wa Potifaro.

1 VONA XIENDLAKALO XA KONA HI MAHLO YA MIANAKANYO.—HLAYA GENESA 39:1-12.

Hlamusela ndlela leyi u ehleketaka leswaku a yi langutekisa xiswona yindlu leyikulu ya Potifaro leyi a yi sasekile.

․․․․․

U ehleketa leswaku Yosefa a languteka njhani? (Lexi nga ku pfunaka ku kuma nhlamulo: Tlhela u hlaya ndzimana 6.)

․․․․․

U ehleketa leswaku rito ra Yosefa a ri ri njhani loko a vulavula ni nsati wa Potifaro eka ndzimana 8 na 9?

․․․․․

2 ANAKANYISISA SWINENE HI MHAKA LEYI.

I yini leswi nga ha vaka swi endle leswaku Yosefa a tikhoma hi ndlela leyinene? (Lexi nga ku pfunaka ku kuma nhlamulo: Hlaya Vafilipiya 2:12 kutani u ehleketa hi swiyimo leswi Yosefa a a ri eka swona. Hi xikombiso, hi nkarhi wolowo, xana a swi ri kwihi swirho swa ndyangu wa Yosefa ni vanhu lava a gandzela na vona Yehovha?)

․․․․․

Ha yini u ehleketa leswaku Yosefa u vone leswaku ku endla vuoswi a ku ta va ku dyohela Xikwembu hambileswi hi nkarhi wolowo a ku ri hava nawu lowu humaka eka xona wo lwisana ni vuoswi? (Lexi nga ku pfunaka ku kuma nhlamulo: Hlaya matsalwa lama landzelaka u tlhela u anakanyisisa ha wona: Genesa 2:24; 12:17, 18; Varhoma 2:14, 15; na Vaheveru 5:14.)

․․․․․

  3 TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Ku fambisana loku nga kona exikarhi ka ku tikhoma ni xichavo.

․․․․․

Vuyelo lebyi kumiwaka hi vanhu lava namarhelaka milawu ya Xikwembu ya mahanyelo.

․․․․․

Xilaveko xo letela “matimba ya [wena] ya ku twisisa.” (Vaheveru 5:14)

․․․․․

SWIN’WANA LESWI U NGA SWI TIRHISAKA.

Hi le ka swiyimo swihi evuton’wini bya wena laha u nga endlaka swiboho swa vutlhari loko swi ta emhakeni yo lwisana ni ndzingo wo endla timhaka ta masangu? (Lexi nga ku pfunaka ku kuma nhlamulo: Hlaya matsalwa lama landzelaka u tlhela u anakanyisisa ha wona: Yobo 31:1; Pisalema 119:37; Vaefesa 5:3, 4.)

․․․․․

4 HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․

Loko u nga ri na Bibele, yi kombele eka Timbhoni ta Yehovha kumbe u hlaya minkandziyiso leyi sekeriweke eBibeleni eka www.watchtower.org