Le Māfuaaga na Alofagia ai Toreka
Ia Aʻoaʻo Lau Fanau
Le Māfuaaga na Alofagia ai Toreka
E TATOU te mananaʻo uma lava ia alofagia i tatou e tagata. Ae ā oe?— * O loo taʻua i le Tusi Paia Toreka, o se fafine na alofagia e le toʻatele o tagata.
Na nofo Toreka i Iopa, o se taulaga e tulata i le Sami Metitirani. Pe tusa ma le 35 maila (56 km) i saute i sasaʻe o Iopa o loo iai Ierusalema. O Toreka o se tasi o uluaʻi soo o Iesu.
Faamata o le ā le mea na matuā alofagia ai Toreka?— O loo taʻua i le Tusi Paia le tele o mea lelei na ia faia, ma meaalofa mananaia na ia avatu. Na ia faia ofu mananaia mo fafine ua oti a latou tane. Na ia faamatala atu i le toʻatele le Atua moni o Ieova, e pei ona sa faia e Iesu.
Pe e te iloa le mea leaga na oo iā Toreka?— Na maʻi o ia ma oti ai. Ua faanoanoa uma ana uō. Ona latou auina atu lea o ni tagata i le mea o nofo ai le aposetolo o Peteru, pe tusa e sefulu maila (16 km) le mamao mai i Iopa. Na talosaga tagata iā Peteru ina ia vave alu atu. Ina ua taunuu Peteru, ona alu lea i le fogāfale i luga o loo taoto ai Toreka. O loo fetagisi uma fafine, ma ua latou faaali atu iā Peteru ofu na faia e Toreka mo i latou.
Ona fai atu lea o Peteru i tagata ia ō ese mai le potu. E ui sa faia e Peteru ma isi aposetolo ni vavega, ae e leai se isi o i latou na faatūina se tagata mai i le oti. E te iloa le mea na faia e Peteru?—
Na tootuli o ia i talaane o le tino maliu o Toreka ma tatalo iā Ieova. Ona ia fai atu lea iā Toreka e nofo i luga, ma na ia faia faapea. Na tago atu lea o Peteru i lona lima ma faatū o ia i luga. Ona ia valaau atu lea i fafine ua oti a latou tane ma isi e ō mai e vāai iā Toreka. E lē taumatea na fiafia lava i latou uma, a ea?—
Seʻi vaai i ni lesona aogā mai i le tala e uiga i le toetū o Toreka. Ua faaalia mai ai, pe afai e te fesoasoani atu i isi, o le a alofagia foʻi oe. Ae sili atu ona tāua, e manatuaina ma alofagia oe e le Atua. E lē galo iā te ia mea lelei e te faia mo isi, ma o le a tauia oe i se olaga fiafia e faavavau, i lana lalolagi fou amiotonu.
Faitau i lau Tusi Paia
[Faaopoopoga i lalo]
^ pala. 3 Afai o lua faitau ma se tamaitiiti, o le vase e faamanatu atu ai e mālōlō laʻitiiti, ona fai lea i le tamaitiiti e faaali mai sona manatu.
E te Ono Fiafia Foʻi
LE OLOMATAMATA
Iesu Keriso—Le Auala e Manatua ai o Ia
Pe e tatau ona tatou manatuaina le pepe o Iesu? O ai “tamāloloa popoto” na ō e asiasi iā Iesu? O le ā o loo faia e Iesu i le taimi nei?
LE OLOMATAMATA
E Mafai Ona Tigā le Finagalo o le Atua—Le Auala e Faafiafiaina ai o Ia
Pe e te iloa e mafai ona e faatigā i faalogona o Ieova? Iloilo pe na faapefea i gaoioiga a Atamu ma Eva ona faatigā ai i faalogona o Ieova.
LE OLOMATAMATA
Lesona Mai se Tagata Solitulafono
A o lata ina maliu Iesu, na ia fetalai atu ai i se tagata solitulafono o le a la faatasi i le Parataiso. O le ā le uiga o lenā fetalaiga, ma o le a faapeʻī lenā Parataiso?
LE OLOMATAMATA
Na Pepelo Peteru ma Anania—O le ā se Lesona e Aʻoaʻoina Mai Ai?
Iloilo le māfuaaga na faamagalo ai le tasi, ae lē faamagaloina le isi.
LE OLOMATAMATA
Sa Faamaoni Pea Iotama e ui i Faafitauli i Lona Aiga
LE OLOMATAMATA
