Must duu stüür betåle?

DAI mëste lüür wile kair stüür betåle. Sai daue soo maine weegen feel mål dat gild fon dat stüür is unüte uutgeewt. Feel daue maine dai stüür wat sai betåle daue ware ni benutst as dat mut sin. Dår in Oriente Médio dai lüür in ain stad säge soo oiwer dai stüür betåle: “Wij wile kain gild geewe tau dai regirung taum oos kiner dood schaite”.

Feel lüür daue ni anneeme dai stüür betåle dat dat gild dårfon forkërd benutst wart. Air politik mësch fone Índia hät sägt: “Dårweegen hai däir maine dat ni richtig wäir dai stüür betåle. Hai hät uutdüürt dat wen dat land in krijg mitmåke däit un dai lüür stüür betåle wat dai krijg mithelpe däit, dai lüür måke süün t’hoop mit dat land.”

Air wat uutstudijrt wäir fon América däir uk kair stüür betåle wat krijg mithelpe däir. Hai däir ni maine dat, dat richtig wäir dai politik lüür dat folk andrijwe däire taum air dail bijståen wat ni richtig wäir. Jërer ainsig müste uutsuike soo as em sich forstand sägt.

Dai wat God dijne daue muite angrüüwle an dat stüür betåle weegen dai Bijbel däit säge eere forstand muite rëgen sin in ales wat sai måke daue. (2 Timóteo 1:3) Åwer dai Bijbel däit uk säge dai regirung häwe dat recht taum forlange dat wij dai stüür betåle. Dai Bijbel sägt: “Ale schåle ståe uuner dai macht häwe taum regijren, weegen dai sin bloos dat God dat erlaubt. Dai wat macht häwe taum regijren sin henstelt woore up eer stele for God. Soo, is nöörg dat jij ståe uuner der een macht, ni bloos weegen dësem wuut, åwer uk weegen juuch forstand. Is dårweegen uk dat jij stüür betåle, weegen dai wat regijre arbëre tau God un daue dai gans tijd oiwer dëse arbëd måke. Geewt ale dat wat eer tauhöört: Wee stüür forlangt, dai stüür.” (Romanos 13:1 un 5 bet 7)

Dårweegen, dai wat Kristus någåe däire, ine früüsche tijd, däire stüür betåle nog dat wek fon dës stüür benutst ware däir in krijg. Dai Jehovaas Tüügen måke dat hüüt uk soo. a Woweegen daue wij stüür betåle taum daile mithelpe wat wij ni aneeme daue? Mut dai wat Jësus någåe sijne forstand besijdlåte wen dai stüür betåle däit?

Mut ik stüür betåle taum ain rëgen forstand häwe?

Dai airste wat früür Jësus någåe sin, häwe dai ordnung kreege taum stüür betåle. Åwer, wek fon dës stüür wäir taum krijg mithelpe. Dit däir uk dai politik mësch fon India un dai uutstudijrt fon America kopbreeken geewe, dårweegen wule sai kair stüür betåle.

Sai dat dai wat Jësus någåe däire, däire dai ordnung fon Romanos kapitel 13 horge, ni bloos taum ni stråft ware, åwer uk ‘weegen eer forstand.’ (Romanos 13:5) Dai airste wat Jësus någåe däire, häwe stüür betålt wat benutst wäir taum betåle daile wat sai ni anneeme däire. Den, air wat Kristus någäit däit dai stüür betåle, lijkerst wen em ni gefale däit dai moor woo dai benutst wart un hai mökt dat taum air gaur forstand häwe. Taum beeter forståe muite wij waite wosoo dai forstand oos helpe däit.

Dai forstand däit oos helpe saie wen dat wat wij måke daue richtig urer forkërd is. Wij ale häwe air forstand soo as dai uutgelërt fon América sägt hät. Åwer wij koine ni oos ümer up dai forlåte. Taum God gefale muite wij oos forstand lenke taum t’hooppasse mit dat wat God wil. God is kluiker as wij dårweegen feel måls muite wij aners denke taum soo denke as hai. (Salmo 19:7) Dårweegen muite wij forsuike forståe wat God maine däit oiwer dai regirungs. Wat maint God?

Sai dat dai apostel Paulo sägt hät dat dai regirungs “arbëre tau God.” (Romanos 13:6) Wat bedüürt dat? Bedüürt dat sai dai daile in ordnung hule un dat sai gaure daile taum dai lüür måke daue. Lijkerst wen wek regirungs forkërd daile måke daue,sai måke uk gaure daile taum dai lüür, soo as: schaule, poliss, corpo de bombeiros un correio. Nog dat God waite däit dat dës regirungs öftens slechte daile måke daue, hai löt dat dai regijre daue un wil dat wij eer respektijre un dai stüür betåle daue.

Den, God löt dat dai regirungs bloos up ain kord tijd dai lüür regijre daue. Hai däit al dës regirungs ümtuusche up sijn himlisch Regirung un däit int raich bringe dai ganse slechte daile wat dai regirungs måkt häwe in dai gans tijdlang. (Daniel 2:44 un Mateus 6:10) Solang as dës tijd ni kåme däit, God wil dat wij dai regirungs respektijre un dat wij dai stüür betåle daue.

Åwer wen’s duu maine däist, dat süün is, stüür betåle taum dai krijg bijståe, soo as dai politik mësch fon Índia, denk hijr an: Wij koine dai daile beeter saie wen wij up air hööger stel sin, is ni wår? Soo uk, God is kluiker as wij un dåroiwer grüüwle däit oos helpe aners ware un denke soo as hai. God hät tau oos sägt: “Soo as dai himels hööger sin as dai ër, soo mijn weegs sin hööger as dijn weegs un mijn gedanke as dijn gedanke”. (Isaías 55:8 un 9)

Wee hät dai oiwerst macht oiwer oos?

Lijkerst wen dai Bijbel säge däit dat wij dai stüür betåle muite, dat bedüürt ni dat dai regirungs forlange koine dat dai lüür ümer eer horge muite. Jësus hät inlërt dat God dës regirungs recht giwt oiwer wek daile, ni oiwer ales. As air kërl Jësus frågt hät of sai taum César, wat dår in dai tijd regijre däit, stüür betåle müste, hät hai soo sägt: ‘Betålt César wat César tauhöört, åwer tau God wat God tauhöört”. (Marcos 12:13 bet 17)

“César” bedüürt regirungs. Dës regirungs måke dat gild, dårweegen sägt God dat sai dai recht häwe taum forlange dat wij dai stüür betåle daue. Åwer, Jësus hät weese dat “wat God tauhöört”,mut in airst stel sin im oos leewend. Wen dai regirungs oos wat forlange wat ni t’hoopstime däit mit dat wat God sägt, dai wat Kristus någåe, daue “God horge soo as dai wat regijre däit airer as dai lüür.” (Atos 5:29)

Hüüt kan öftens dai wat Jësus någåe ni gefale dai moor woo eer stüür benutst wart. Nog soo, daue sai dai stüür betåle, blijwe ni gëgen dai regirungs un daue eer uk ni forstööre. Dat måke däit wijse dat wij oos upforlåte daue dat God oos problems int raich bringe kan. Dai wat Jësus någåe, daue mit geduld luure dai tijd woo God ales int raich bringe däit doir Jësus Kristus, wat soo sägt hät: “Mij Regirung däit ni tauhööre tau dëse wild.” (João 18:36)

Woweegen is gaud någåe dat wat dai Bijbel sägt?

Dat wart sër gaud sin tau dij wen’s duu någåe däist dat wat dai Bijbel sägt oiwer stüür betåle. Duu warst ni stråft ware soo as dai wat ni dai lei horge daue un warst uk ni angst häwe dat’s ruuterfijne daue dai forkërd daile wat’s duu måke däist. (Romanos 13:3 bet 5) Un dat haupt, duu warst ain rëgen forstand häwe foir God un däist em ëre dat’s duu dai lei horge däist. Lijkerst wen’s duu ni soo feel gild häst as dai wat dai stüür ni betåle daue, duu kast dij upforlåte an dat wat God forspråke hät taum dai wat em horge daue. Davi hät sägt: “Bün jong wääst un nuu bün ik uld. Åwer ik häw nog nij ais saie air gerecht wat ümstig låte woore is, nå ni måls sijn kiner brood suike.” (Salmo 37:25)

Den forståe un någåe dat wat dai Bijbel sägt oiwer stüür betåle däit oos im freere låte. God giwt dij ni dai schuld oiwer dat wat dai regirung måke däit mit dat gild fon dai stüür wat’s duu betåle däist. Soo as dat gäit dij nischt an wat dai mësch måke däit mit dai gild fon dai huus wat’s duu pachte däist. Airer as dai Bijbel studijre air kërl wat Stelvio hit un in dai sul fon Europa wåne däit hät forsuikt int raich bringe dai ungerechtigkët wat in em sijne land wäire. As hai uutdüürt hät woweegen hai anhule hät dit måke, hät hai sägt: “Ik häw forståe dat dai lüür koine ni gerechtigkët, freere un ainigkët taum dai wild bringe. Bloos God sij Regirung kan ain nijg un beeter wild bringe.”

Soo as Stelvio, wen’s duu tau God geewe däist wat God tauhöört, duu kast uk sicherhët häwe dat God gerechtigkët bringe däit. Duu warst saie dat God ain gerecht regirung bringe däit oiwer dat gans ër un int raich bringe däit dai ungerechtigkët un al dai slechte daile wat kåme sin doir dai regirungs hijr upe ër.

[Nåt]

[Groot sriwt]

Wij muite aners denke taum t’hooppasse mit dai moor woo God denke däit, weegen God is kluiker as wij

[Groot sriwt]

Wij ware ain rëgen forstand häwe foir God wen wij dai stüür betåle daue, dat däit wijse dat wij oos upforlåte daue dat God oos geewe däit ales wat wij bruuke

[Groot sriwt]

“Betålt César wat César tauhöört, åwer tau God wat God tauhöört”

[Wem dai bijld höört ine]

Copyright British Museum