Impuestocunataca ¿paganachu capanchi?

CASI pipash na impuestocunata paganataca gushtanllu. Ashtacacunaca, impuestocunataca yangami paganchi, chai impuestocunahuanllatami shujcunalla ashtahuan charijyan o imapash nalicunatara chai impuesto culquicunahuanga ruran ninmi. Cutin shuj gentecunaca shuj razongunamandami impuestocunata pagangapaca na munan. Por ejemplo, Oriente Medio llactamanda huaquin gentecunaca ninmi: “Ñucanchi impuesto pagashca culquihuanllatami ñucanchi huahuacunataca guerracunaman cachashpa guerracunapi huañuchun saquin” ninmi.

Ashtaca gentecunaca chai yuyaitallatami charishca. Por ejemplo, Mohandas Gandhi shuti jarica nircami: “Impuestocunata pagashpaca gentecunata huañuchingapaj armacunata rurachunmi apoyanajun” nishpa. “Chaimi tucui maijan impuestocunata pagajcunaca, juchatami ruranajun” nirca.

Guerracunata apoyangapaj impuestocunata utilizana nali cashcata pensaimandallatami siglo XIXpi causashca Henry David Thoreau filosofoca caita nirca: “Gentecunaca paicunapa concienciapi nali sintirishpapash ¿gobiernocuna paicunapa randi imapash decisiongunata agllachunga saquinallachu can? Shinaca ¿imapata cada uno concienciataca charipanchi?” nishpa.

Cristianocunaca Bibliapi yachajushcashnami paicunapa concienciapi ali sintiringapaca impuestocunata paganaca minishtirishca cashcata yachan (2 Timoteo 1:3). Bibliapica gobiernocuna impuestocunata cobrana autoridadta charishcatami ricuchin. Bibliapica ninmi: “Jatun mandajcunataca, tucuicunami cazuna canguichi. Mandana ushaitaca, Taita Dios cujpillami charin. Cunambi mandajcunaca, Taita Dios churajpimi mandanajun. Llaquichinata manllaimandalla cazunaca, na canllu. Ashtahuangarin cazunapacha cajta yarishpami, cazuna canguichi. Chaimandami, impuestotapash cunguichi. Taita Diosta servijcuna cashpami mandajcunaca, ricuriashpa chaitallata rurashpa causanajun. Maijanda imaguta mañashca cashpapash, tigrachinami canguichi. [...] Impuestocunata cuna cajpipash, cunami canguichi” (Romanos 13:​1, 5-7).

Chaimandami apostolcunapa punllacunapillata Jesusta ali catijcunataca impuestocunata alipacha pagan nishpa rijsin carca. Aunque chai culquihuan soldadocunata apoyana cajpipash impuestocunataca paganmi carca. Cunan tiempopipashmi testigo de Jehovacunaca impuestocunata pagapanchi. * Impuesto culquihuanga huaquin cosascunatami ruran. Chai cosascunamandaca huaquingunahuanga ñucanchicunaca na de acuerdo canchichu, ni apoyanchichu. Shinapash ¿imamandata impuestocunata pagashpa catipanchi? ¿Concienciapi nali sintirijushpapash gobiernocuna mandashca impuestocunataca pagashpa catinachu capanchi?

Impuestocuna y ñucanchi conciencia

Apostolcunapa punllacunapica impuestocunata pagashca culquihuanmi ashtahuanbachaca soldadocunataca ayudan carca. Impuesto culquicunata chaicunapi gashtajta ricushpami Gandhipash, Thoreaupash impuestocunata pagangapaca napacha munanajurca.

Apostolcunapa punllacunapica Jesusta catijcunaca Romanos 13​pi mandashcata cazushpapash, chai mandashcataca ‘na manllaimandallaca’ impuestocunataca paganllu carca. Paicunaca paicunapa concienciahuan ali cangapami pagan carca (Romanos 13:5). Jesusta catijcunaca impuestocunata pagashpa, chai culquihuan imata rurana cashcata na de acuerdo cashpapash ñucanchica chai impuestocunataca paganapachami canchi. Pero caita ashtahuan ali intindingapaca ima ali cashcamanda, ima nali cashcamanda ñucanchi conciencia imata nijtami ali yachana capanchi.

Thoreauca tucuicunallata shuj concienciata charishcatami nirca. Pero ñucanchi conciencia ali cachunga Jehovapa mandashcacunatapash cabalguta alimi yachana capanchi. Porque Jehovapa mandashcacunata pactachishpallami shuj ali concienciataca chari ushashun. Jehová Diospa pensamientocunaca gentecunapa pensamientocunatapash yali alipachami can (Salmo 19:7). Ñucanchicunaca Jehová Dios gobiernocunata ricushca shinallatami ricuna capanchi. Pero gobiernocunataca ¿imashata Jehová Diosca ricun?

Apóstol Pabloca gobiernocunaca ‘Taita Diosta sirvijcunami’ can nircami (Romanos 13:6). Pero ¿imamandata shina nirca? Por ejemplo, gobiernocunami llactapica ama imapash pasachun ricurianajun. Shinallata nali gobiernocuna cashpapash paicunami yacuta, michata cun, escuelacuna tiachun, policiacuna tiachunbashmi ayudan. Taita Diosca gobiernocuna imapash nalita ruranajushcataca alimi yachan. Shina cajpipash paicunata asha tiempota mandashpa catichunmi saquishca. Chaimi Taita Diosca impuestocunataca paganami canguichi nin. Y Taita Dios gobiernocuna tiachun saquishcamanda y respetomandami impuestocunataca pagana capanchi.

Shinapash shuj tiempocamanllami Taita Diosca gentecunapa gobiernocuna tiachun saquishca. Paica shamuj punllacunapica paipa Gobiernota apamushpami tucui nali gobiernocunata cai alpapica tucuchinga. Cai alpapica gentecunapa gobiernocunaca ashtacatapachami gentecunataca sufrichishca. Shinapash Diospa Gobiernomi cai tucuicunataca arreglanga (Daniel 2:44; Mateo 6:10). Diospa Gobierno chayamungacamanga Jesusta ali catijcunaca Dios mandashcashnami gobiernocunata cazushpa catina canchi y impuestocunatapash pagashpa catina capanchi.

“Impuestocunata pagashpaca guerracuna tiachunmi apoyanajunguichi, chaica shuj juchami can” nishpami Gandhi runaca pensarca. Ñucanchipash shina pensanajujpica ¿imata ayudanga? Cai ejemplopi yuyanami ñucanchitaca ayudanga. Imashinami shuj juyailla pushtuguta ricui ushangapaca jahua lomacunaman vichana capanchi, shina cuendallatami gobiernocunata Dios ricushcashna ricungapaca Taita Dios pensarishcashna ñucanchipash pensaringapaj esforzarina capanchi. Bibliapica Taita Diosca ninmi: “Imashnami jahua pachaca, cai pachamandaca jahuaman tiajun, chashnallatami ñuca imata ruranapash yali jatun. Shinallata ñuca yuyaicunapash, cangunapaj yuyaicunataca yali jatunmi” can nishpa (Isaías 55:​8, 9).

Autoridadcunata yalica Taita Diostami cazupanchi

Gobiernocunaman impuestocunata pagana cashpapash paicunata tucuipipacha cazuna obligaciondaca na charipanchichu. Jesusca Taita Diosca gobiernocunamanga ashalla autoridadta cushcatami intindichirca. Roma llactaman impuestocunata paganaca Taita Diospa ñaupapica alichu ricurin nishpa huaquin judiocuna Jesusta tapujpica, Jesusca “Cesarpaj cajpica, Cesarmanllatami cuna canguichi. Ashtahuangarin Taita Diospaj cajtaca, Taita Diosmanmi cuna canguichi” nircami (Marcos 12:​13-17).

Gobiernocunami llactapica culqui tiachun, shinallata chai culqui mashna valishcata o mashna valorta charishcata churan. Chaimandami Taita Diosca chai culquita paicunaman tigrachingapaca impuestocunata pagachun mandan. Shinaca autoridadcunata respetana cashpapash y impuestocunata pagana cashpapash ñucanchica Taita Diosta yalitaimanga paicunataca na cazunachu canchi. Cristianocunaca “Taita Diostami, runacunatapash yali ashtahuan cazunapacha canchi” (Hechos 5:29).

Cabalta parlashpaca impuesto culquicunahuan imapash nalicunata ruranajujpica ñucanchica nalimi sintirinchi. Shina cashpapash autoridadcunata Taita Dios respetachun munashcamandami autoridadcuna mandashcata pactachipanchi, impuestocunatapash pagapanchi. Gobiernocuna mandashcata na cazushpaca Taita Diostami na cazunajunchiman. Y shinallata ñucanchicunaca ñallapacha Taita Dios paipa Gobiernota apamushpa tucui problemacunata arreglachunmi shuyanajupanchi. Y chai gobiernopica Jesusmi mandanga. Y Jesusllatami: “Ñuca mandana llactaca, na cai pachapi tiajunllu” nirca (Juan 18:36).

Diospa mandashcacunata cazunaca ñucanchipa alipallatami can

Diospa mandashcata cazushpa impuestocunata pagashpaca ñucanchipallatami ali canga. Por ejemplo, impuestocunata al día pagashpaca ñucanchillatami na multai tucushun, ni imatapash na manllashun (Romanos 13:​3-5). Pero ashtahuanbachaca Diosta cazushcamanda y gobiernocunatapash respetota ricuchishcamandaca ñucanchi concienciahuanbash alimi sintirishun. Claro, huaquingunaca impuestocunata na pagaimandami talvez ashtahuan culquita charinga, pero ñucanchica na chaitaca ruranachu capanchi. Más bien Taita Dios ñucanchicunata cuidashpa catinatami tucui shunguhuan confiashpa catina capanchi. Rey Davidca cashnami nirca: “Ñucapash huambrami carcani, ñami rucuyani. Imatapash cashcatapacha ruraj runa jichui tucushcataca, na ricushcanichu. Paipaj huahuacuna micunata mañanajujtapash, na ricushcanichu” (Salmo 37:25).

Shinallata impuestocunata pagashpaca ñucanchillatami tranquilo sintiripashun. ¿Imamandata shina nipanchi? Impuesto culquicunahuan autoridadcuna imatapash ruranajujpipash, chai rurashcacunamandaca na ñucanchitaca Taita Diosca culpangachu. Caita ashtahuan intindingapaca cai ejemplopi pensapashunchi. Shuj huasita arrendashpaca cada quillami arriendomanda pagapanchi, pero chai arriendo pagashca culquihuan dueño imata rurajtaca ñucanchicunaca na yachanchichu y na paipa rurashcacunamandapash responsablechu canchi. Shina cuendallatami gobiernocuna impuesto culquicunahuan imata ruranajujpipash na ñucanchica responsablechu capanchi. Huauqui Stelvioca Bibliamanda nara yachajui callarishpaca paipa llactapi huaquin leycunata arreglangapaj y politicatapash cambiangapami munarca. Shina cashpapash paica na chaita rurai usharcachu ¿imamandata paica cambiarca? Paica ninmi: “Ñucaca cai mundopi tucui gentecunallata igual, ali causachun munashpapash gentecuna chai causaita na cui ushashcatami intindircani. Diospa Gobiernollami tucui gentecuna ali causachunga ayudaita ushan” nircami.

“Taita Diospaj cajtaca, Taita Diosmanmi cuna canguichi” Jesús nishca shimicunata cazushpaca, quiquinbashmi chaitaca seguro caita ushapangui. Diospa Gobiernoca, cai alpamanda gobiernocunapa tucuilla injusticiacunatami tucuchinga. Y shamuj punllacunapi Diospa Gobierno cai alpapi gobernajujpi tucuicunatallata igual tratashpa aliguta gobernajujtapashmi ricui ushapangui.

[Nota]

[Comentario]

Ñucanchicunaca Taita Dios pensashcashnallatami pensangapaj esforzarina capanchi. Porque Taita Diosca na gentecunashnaca pensanllu

[Comentario]

Taita Dios mandashcashna impuestocunata pagashpaca Taita Diospa ñaupapica alimi ricurishun. Y Taita Diosllata ñucanchiman lo necesariota cunapi confiashcatapashmi ricuchipashun

[Foto]

“Cesarpaj cajpica, Cesarmanllatami cuna canguichi. Ashtahuangarin Taita Diospaj cajtaca, Taita Diosmanmi cuna canguichi”

[Reconocimiento]

Copyright British Museum