1 Bondye i en mister​—Eski i vre?

Sa ki petet ou’n tande: “Bondye i en mister.”

“I enposib pour konpran Papa, i enposib pour konpran Garson e i enposib pour konpran Sent-Espri.”​—Dapre krwayans bann ki krwar dan Trinite.

Ki Labib i dir: Zezi ti dir ki sa bann ki “konn . . . sel vre Bondye” pou ganny bann benediksyon. (Zan 17:3) Me, ki mannyer nou kapab konn Bondye si i en mister? Bondye pa pe kasyet, i anvi ki tou dimoun i konn li.​—Zeremi 31:34.

Byensir, nou pa pou zanmen konn tou keksoz lo Bondye akoz son panse ek son fason azir i pli siperyer ki pour nou.​—Eklezyast 3:11; Izai 55:8, 9.

Konn laverite i kapab ed ou: Si Bondye i en mister ki enposib pour konpran, alor, akfer nou bezwen fatig nou pour konn li? An zeneral, i pa zis ed nou pour konn li, me i anvi nou vin enn son zanmi pros. Bondye ti dekrir Abraam, en zonm fidel konman “[son] zanmi.” Lerwa David dan ansyen Izrael ti ekrir: “Zeova i pros avek bann ki annan lakrent pour li.”​—Izai 41:8; Psonm 25:14.

Eski i enposib pour vin en zanmi pros Bondye? I kapab paret le ka, me get sa ki Akt 17:27 i dir: “[Bondye] pa lwen avek sakenn parmi nou.” Dan ki fason? Bondye i donn nou sa ki neseser pour nou konn li byen dan Labib. *

I dir nou son non. I apel Zeova. (Izai 42:8) I’n fer nou konn sa ki i’n fer pour limanite pour ki nou konn sa Bondye ki port sa non. An plis ki sa, Bondye i fer nou konn son santiman. I ‘annan mizerikord ek konpasyon, i pa ankoler vitman, e i annan en kantite labonte leker ek laverite.’ (Egzod 34:6) Nou bann aksyon i annan lefe lo son santiman. Par egzanp, nasyon Izrael dan letan lontan ti fer li “soufer” kan zot ti rebel kont li, tandis ki bann ki obeir li i fer li kontan.​—Psonm 78:40; Proverb 27:11.

[Not anba lo paz]

[Ekstre lo paz 4]

Si Bondye i en Trinite misterye, ki mannyer nou kapab vreman konn li?

[Portre sorti kot lo paz 4]

Trinite apepre 1500 N.L., Flemish School, (sezyenm syek) / H. Shickman Gallery, New York, USA / The Bridgeman Art Library International