1 Tsip yajnijawët pënën Dios. ¿Tëyˈäjtënëdaa?
Nääk jyënäˈändë: “Jantsy tsip yajnijawët tijatyë Dios tyuumpy”.
“Jeˈeyë jyaˈˈaty tuˈugë Diosë tëyˈäjtënbë, jantsy mëj ets kyaj tyëgatsy, kyaj pën tjaygyukë, tukëˈëyë mëjää tmëdaty ets kyaj mbäät yajnimaytyaˈaky, Teety, Uˈunk etsë Espiritë Santë”, duˈun yajmaytyaˈagyë Trinidad mä Catecismo de la Iglesia Católica.
Biiblyë tyukniˈˈixë: Jesus jyënany ko pënaty yˈixyˈäjttëp ja tukpäjkpë Diosë tëyˈäjtënbë yˈaxäjëyandëbë kunuˈkxën (Fwank 17:3). Per ¿wiˈix mbäät nˈixyˈäjtëmë Dios pën tsip yajnijawët pën yëˈë? Dios kyaj nyayuˈutsyëty, niˈigyë ttseky ets niˈamukë jäˈäy yˈixyˈatëdët (Jeremías 31:34).
Ets mbäät kyaj nnijäˈäjëtyaˈayëm pënën Dios, pesë nyëˈë tyuˈu etsë jyot wyinmäˈäny niˈigyë kyëjxmëty (Eclesiastés 3:11; Isaías 55:8, 9).
¿Wiˈix mbudëkëdët ko xynyijawët ja tëyˈäjtën? Koxyëp kyaj mbäät yajjaygyukë pënën Dios, ¿tixyëp ko nˈëxtäˈäyëm? Perë Dios kyaj jeˈeyë ttseky ets nˈixyˈäjtëm, nan tsyejpy ets mëët yajxon nnaymyaˈayëm. Tëëyëp, ja ojts ttijˈyë Abrahán “nmëtnaymyaayëbëts”, ets ja rey David tkujäˈäyë: “Yëˈë mëdë Jyobaa nyaymyayëdë pënaty tsëˈkëdëp” (Isaías 41:8; Salmo 25:14).
¿Waˈan nëgoobë nwinmäˈäyëm ko mbäät mëdë Dios nnaymyaˈayëm? Mbäät duˈun myiny mä winmäˈäny. Per okˈix wiˈix jyënaˈanyë Apostʉlʉty 17:27: “Kyaj jagam yˈity ja Dios. Taa jaˈa mä ëtsäjtëm niduˈuk niduˈuk”. ¿Tiko? Yëˈko Biiblyë nyimaytyakypy parë nˈixyˈäjtëm yajxon. *
Dios xytyukˈawäˈänëm ko yëˈë txëˈaty Jyobaa (Isaías 42:8). Ets parë nnijäˈäjëm wiˈix jyaˈayˈaty, ojts yajkujayë mä Biiblyë wiˈix yˈijty mëdë naxwinyëdë jäˈäy, ets nan xytyuknijäˈäjëm ko yëˈë jyäˈäwëp tijaty. “¡Yëˈë Dios mëdiˈibë oyjyot oywyinmäˈäny myëëtˈäjtypyën. Ets mëdiˈibë paˈëyoop nasˈëyoˈowëbën, mëdiˈibë maˈkxtujkpën, ets mëj këjaa tsyoky jyawë, ets ak mëdëy winë ttuny!” (Éxodo 34:6, Mʉgoxpʉ ja̱ noky mʉdiˈibʉ jyaayʉn Moisés.) Tijaty nduˈunëm mbäät yajxondaˈagyëty o mbäät yajmony yajtukyëty. Extëm ja israelitëty diˈib tëëyëp “myooytyë jäj jëmuˈumën” ko tkamëmëdoodë. Per pënaty wijy ets mëmëdoojëp mëjwiin kajaa yajxondaˈagyëty (Salmo 78:40; Proverbios 27:11).
[Notë diˈib noky ëxˈääy]
^ parr. 7 Jap niˈigyë xynyijawët wiˈixë Biiblyë tnimaytyaˈagyë Dios mä liibrë ¿Ti tëyˈäjtën jantsy tukniˈijxëbë Biiblyë? kapitulo 1, diˈib yajpëtsëëmdëbë Jyobaa tyestiigëty.
[Letrë diˈib miimp mä dibujë mä pajina 4]
¿Wiˈix mbäät nˈixyˈäjtëmë Dios pën yëˈë tuˈugë Trinidad diˈib kyaj pën tjaygyukë?
[Dibujë diˈib miimp mä pajina 4 yëˈë të dyaktë]
The Trinity (c. 1500), escuela flamenca (siglo XVI) / H. Shickman Gallery (Nueva York, EE.UU.) / The Bridgeman Art Library International
