1 Xoossaa Erana Danddayettenna Hegee Tumee?
1 Xoossaa Erana Danddayettenna Hegee Tumee?
Geella neeni siyidobaa: “Xoossay oottiyo ogee geema.”
“Aawaa erana danddayettenna; Naˈaa erana danddayettenna qassi Geeshsha Ayyaanaa erana danddayettenna.”—Banttana Kiristtaane giya daro woosa keettati tamaarissiyo Sillaasiyaabaa qonccissiya Atinaatiyoosa Wogaa.
Geeshsha Maxaafay tamaarissiyoobaa: Yesuusi, ‘issi Xoossaa gididaagaa eriyaageeti’ anjjuwaa demmanaagaa yootiis. (Yoh. 17:3) SHin, Xoossay geema gidikko, abaa waati erana danddayiyoo? I ba oonatettaa genttiyoogaappe, ubba asay bana eranaadan koyees.—Erm. 31:34.
Nuuni Xoossaabaa ubbabaa mule erana danddayennaagee qoncce. Hegaadan qoppiyoogee bessiyaaba; ayssi giikko, a qofaynne a ogee nuugaappe xoqqa.—Era. 3:11; Isi. 55:8, 9.
Tumaa eriyoogee nena maaddiyo ogiyaa: Xoossay erana danddayettennaba gidikko, abaa eranau baaxetana koshshiyoy aybissee? Ubba i, nuuni a eranaadan maaddiyoogaa xalla gidennan, aara mino dabbotaa medhanaadankka maaddees. Xoossay ammanettida asa gidida Abrahaama “ta dabbuwaa” giis; qassi Israaˈeela Kawuwaa Daawiti, “GODAI baayyo yayyiyaageetau ba xuuraa shaakkiyaagaa” yaagidi xaafiis.—Isi. 41:8; Maz. 25:14.
Xoossau mata dabbo gidiyoogee mule danddayettennaba milatii? Milatana danddayees; shin Oosuwaa 17:27y giyoobaa akeeka: “Xoossai nuuppe ooyyoonne haaho gidenna.” Haaho gidennay ayba ogiyaanee? Xoossay nuuni a loytti eranau koshshiyaabaa Geeshsha Maxaafaa baggaara yootees. *
I ba sunttaa nuuyyo yootiis; a sunttay Yihoowa. (Isi. 42:8, NW) Nuuni he sunttan xeegettiya a eranaadan, i asaa naatussi oottidobaa xaafissiis. Hegaappekka aaruwan, Xoossay ba eeshshaa nuuyyo qonccissiis. I “qaretainne maarotai kumido Xoossaa, danddayanchchaa, aggenna siiqoi daridoogaanne daro ammanettiyaagaa.” (Kes. 34:6) Nuuni oottiyoobay a ufayssana woy azzanttana danddayees. Leemisuwau, beni Israaˈeela deree a bolli makkalido wode, a ‘lanccissidosona’; shin ayyo azazettiya aadhida eranchati a ufayssoosona.—Maz. 78:40; Lee. 27:11.
[Tohossa qofaa]
^ MENT. 7 Geeshsha Maxaafay Xoossaa xeelliyaagan woygiyaakko gujo qofaa demmanau, Yihoowa Markkati attamissido, Tumuppe Geeshsha Maxaafay Tamaarissiyoy Aybee? giya maxaafaa shemppo 1 xeella.
[Sinttaa 4n deʼiya misiliyaa qonccissuwaa]
Xoossay geema gidida Sillaase gidiyaakko, nuuni a tumuppe waati erana danddayiyoo?
[Sinttaa 4n deʼiya misiliyaa qonccissuwaa]
The Trinity c.1500, Flemish School, (16th century) / H. Shickman Gallery, New York, USA / The Bridgeman Art Library International
