3 Guuti akiniaajumatuujuvoq — Ilumoorpa?
3 Guuti akiniaajumatuujuvoq — Ilumoorpa?
Immaqa ima tusagaqarsimavutit: “Guutip ajortuliornivut tamaasa nakkutigai anniarfimmilu naassaanngitsumik pillassavaatigut.”
“Pinngortitami ajunaarnersuit inunnut ajortunut Guutimit pillaatisiaapput.”
Biibilimi ajoqersuutigineqartoq: Biibilimi uppernarsaavigineqarpugut Jehova ‘kimilluunniit tammaqqusinngitsoq, tamaasalu allamik isumataarnissamut periarfissikkumagai’. (2 Petrusi 3:9) Guutip kukkussutigisavut pingaartinnerunagit iliuutsivut ajunngitsut pingaartinneruai. ‘Jehovap isai angalasarput nuna tamakkerlugu, uummatimikkut ilumoorfigisini pissatsikkumallugit.’ — 2 Nalunaarsuutit 16:9, 1900.
Anniarfeqarnera Biibilimi ajoqersuutigineqanngilaq. Naassaanngitsumik anniartitaanermik eqqarsaat Guutimut maajunnarpoq. Ajortunut pillaatigisaa annerpaaq tassaavoq inuunerup tunissutaanik arsaarinninneq. (Jeremia 7:31; Romamiut 6:7) Aamma pinngortitami ajunaarnersuit Guutip pilersitarinngilai. Tamakku “periarfissatigut nalaatsornertigullu” pisarput. — Oqaluussisartup oqaasii 9:11, 1990.
Ilumoortup ilisimanera qanoq iluaqutigissagit: Guutimut qanillisinnaavugut ‘isumakkeerfiginnittartuusoq’ eqqartuussipallattanngitsorlu paasigutsigu. (Tussiaat 86:5) Pisuusutut misigineq pillarneqarnissamilluunniit siooraneq Guutimut kiffartussutiginagu uppernerput pitsaanerungaartumik tunngaveqarpoq — Jehovamik asanninnermik. Asanninneq taamaattoq nukiuvoq ineriartornartoq Guuti nuannaartinniarlugu sapinngisatsinnik iliuuseqartitsisoq. — Matthæusi 22:36-38; 1 Johannesi 5:3.
Guutip kissaatigaa kikkut tamarmik ajunngitsuliortassasut, nalunngilaali inuppassuit taamaaliornavianngitsut. Ajortuliortuarumasut akuliuffiginngisaannarunigit naalakkersuisunit inatsisiliortunit, taakkuninngali unioqqutitsaaliisoqarnissaanik isumaginninngitsunit, pitsaanerussanngilaq, tamannami nakuusertoqartuarneranik naapertuilluanngitsoqartuarneranillu kinguneqassaaq. (Oqaluussisartup oqaasii 8:11) Nalunnginnatsigu Guuti ajussutsip naassaanngitsumut atuunnissaanik akuerinninnavianngitsoq, siunissamut qularnaatsumik neriuuteqarpugut. Guuti neriorsuivoq ajortuliortuartut peerniarlugit, aallaqqaammut siunertamisut, “qanilaartut” nunarsuarmi naassaanngitsumik inuusinnaaniassammata. — Tussiaat 37:10, 11, 29. *
[Quppernerup ataani ilanngussaq]
^ imm. 7 Atuakkami Biibilimi sorpiaat ajoqersuutigineqarpat?-mi kapitali 3-mi aamma 8-mi Guutip nunarsuaq qanoq paratiisinngortissagaa pillugu paasisaqarnerusinnaavutit.
[Issuagaq 6-mi assiliartaq]
Pillarneqarnissamik siooraneq pissutigiinnarlugu Guuti pallorfigineqarusussava?
[Suminngaanneernera 6-mi assiliartaq]
Dorép kigartugaa