3 Nzambi Mukua ku Vutula Phonzo o Kuila Kidi?
3 Nzambi Mukua ku Vutula Phonzo o Kuila Kidi?
Ihi i uene mu kuívua: “Nzambi kene mu jimba o ituxi, u kaxtikala o athu mu ifernu.
“Nzambi u kaxtikala o ati a ituxi ni nguzu ia ibhangelu.”
Ihi i longa o Bibidia: O divulu dia kaiiadi dia Phetele 3:9, dizuela kuila Jihova, “ka mesena kuila ku kala muthu u texika, mbata ua mesena ene oso eza mu kudiela.” Mu veji dia ku tala ngó o ikuma ietu, muéne u tala o ima iambote i tu bhanga. Mukonda-phe Nzambi “mesu mê ma bhita mu ngongo ioso, phala ku [dilondekesa o ku suína] kuê mu ku kudila ió oso ala ni muxima ua tenena kua muéne.”—2 Malunda 16:9.
O ifernu ki milongi ia Bibidia—Nzambi ua zembe o milongi íii. Nzambi ua-nda buika ngó o athu a iibha. (Jelemiia 7:31; Loma 6:7) O nguzu ia ibhangelu, iene mu jibha athu avulu, ki Nzambi uene mu i bheka, mukonda o ima íii i tena ku bhita ni athu oso, se a kala mu ola ni mu kithangana ki kia tokala.—Ndongixi 9:11.
Kiebhi o kuijiia o kidi ki ku kuatekesa: Tu tena ku zukama kua Nzambi, mu kuijiia kuila muéne “u lenguluka kuloloka” kene mu fundisa athu ni lusolo. (Jisálamu 86:5) Ki tu tokala ku bheza Nzambi, ni kitongoluelu kia neme, mba ni uôma ua ku tu kaxtikala. Mu veji dia kiki, tu tena ku kolesa dingi o kixikanu kietu mu kulondekesa—o henda kua Jihova. O henda íii, i tu suínisa dingi ku bhanga ioso phala ku sangulukisa o muxima uê.—Matesu 22:36-38; 1 Nzuá 5:3.
Sumbala Nzambi ua mesena kuila athu oso a bhanga ima iambote, maji muéne uejiia ué kuila saí athu ka mesena ku bhanga kiki. Se muéne kene mu jibha o athu ene mu bhanga ima ia iibha, muéne ka difu ni nguvulu u bhana ijila, uene mu kuehela kuila o ku kamba ku fundisa, ni jiphaxi, ji dimendala dingi. (Ndongixi 8:11) O kuijiia kuila Nzambi ka-nda kuehela kuila o athu a iibha a nangenena, ku tu bhana kidielelu. Nzambi u tu kanena ku buika oso a kolokota mu ku bhanga o ima ia iibha, maji athu “oso-phe alenduka,” a-nda tambula o muenhu ua kalelaku mu ixi, kála kia ki kanene ku dimatekenu.—Jisálamu 37:10, 11, 29. *
[Tanga mu luji]
^ kax. 7 Phala kuijiia dingi, se kiebhi Nzambi kia-nda bhanga o ixi palaízu, tanga o kibatulu 3 ni 8 kia divulu, Mu Kidi Ihi i Longa o Bibidia?
[Kilombuelelu ku bandu 6]
O kuila Nzambi ua mesena tu mu bheza mukonda dia uôma ua ku tu kaxtikala?
[Mixinda ya tokala ku foto 6]
Foto ia Doré
