3 Huku Una Onkhongo Okuti Otyo Otyili?

Ove hamwe uhole okuiva okuti: “Huku upaka nawa ononkhali ambuho, iya akondolela ovanthu okuvepaka mo ifelunu yotupia.”

“Huku weetako ovinimawe novikuavo vali pala okukondolela vana valinga ononkhali.”

Oityi Ombimbiliya ilongesa: Omukanda wa 2 Pedro 3:9 upopia okuti Jeova “kahande na umwe ahanyueko, mahi uhanda ovanthu aveho velivele.” Jeova katale vala koviponyo vietu, anthi utala vali kovipuka oviwa tulinga. “Omaiho a Huku ekahi nokutala kombanda yoohi aiho, opo alekese ononkhono mbae ku vana vemuumbila nomutima auho.”—2 Crônicas 16:9.

Ombimbiliya kailongesa okuti kuna ifelunu yotupia. Olusoke luokumonesa omunthu ononkhumbi apeho, Huku uluyele. Ehitiso lionondigavivi ononkhia. (Jeremias 7:31; Romanos 6:7) Iya ovinimawe novipuka ovikuavo ovivi, viipaa vala kese munthu, kavietuako na Huku, anthi ovitateka viuhulukila vala kese munthu.—Eclesiastes 9:11.

Oñgeni okunoñgonoka otyili konthele ya Huku matyikukuatesako: Tupondola okufuena ku Huku tyina tuimbuka okuti oe ‘wafuapo pala okuevela,’ nokuhahitisa liwa-liwa ovanthu. (Salmo 86:5) Katuesukisile okuumbila Huku nowoma wokuhitiswa. Anthi, tupondola okupameka ekolelo lietu mokonda tuhole Jeova. Ohole oyo itulunda okulinga ononkhono mbokumuhambukiswa.—Mateus 22:36-38; 1 João 5:3.

Namphila Huku ahanda ovanthu aveho valinge ovipuka oviwa, oe utyii okuti vamwe kamavetyilingi. Inkha Huku kahanyeko vana vatokola okulinga ovivi, matyikala ngatyina omutumini waava ovitumino ehevilandula, ayekelelako ovivi no nonkhumbi mbutualeko. (Eclesiastes 8:11) Okunoñgonoka okuti Huku kamayekelelako ovivi apeho, tyitukuatesako okutala komutwe nekevelelo liapama. Huku ulaa okupolako aveho vatualako okulinga ovivi, opo “ovatendi” vakale apeho nomuenyo kombanda yoohi ngetyi Huku ahandele ponthyimbi.—Salmo 37:10, 11, 29. a

[Onondaka Poutoi]

[Onondaka Mbavilapo pefo 6]

Okuti Huku uhanda tumufende mokonda yowoma wokuhitiswa?

[Olutalatu Lualandwa pefo 6]

Engravings by Doré