Eski ou ti konnen?

Akoz bann ki ti pe sanz larzan ti dan tanp Zerizalenm?

▪ En pti pe letan avan son lanmor, Zezi ti bezwen pran en aksyon sever dan tanp. Labib i dir: “Zezi ti . . . sas tou bann ki ti pe aste e vann [dan tanp]. I ti savir latab bann ki ti pe sanz larzan e sez bann ki ti pe vann pizon. I ti dir zot, ‘I’n ekri dan Lekritir, “Mon lakaz pou ganny apele en lakaz lapriyer.” Me zot, zot in fer li vin en kavern voler.’”​—Matye 21:12, 13.

Bann Zwif ek bann ki ti’n konverti dan larelizyon Zwif dan premye syek ti sorti dan diferan pei ek lavil pour zot al kot tanp Zerizalenm e zot ti anmenn bann konny zot pei avek zot. Me, pour zot kapab pey taks tou le-z-an, aste zannimo pour sakrifye e pour fer bann kontribisyon volonter, zot ti bezwen sanz zot larzan. Alor, sa bann Zwif ek bann ki ti’n konverti dan larelizyon Zwif ti bezwen donn sa bann ki ti sanz larzan en serten poursantaz osi dan zot larzan. Anmezir bann lafet Zwif ti aprose, sa bann ki ti sanz larzan ti met zot latab dan Lakour tanp bann non-Zwif.

Lefet ki Zezi ti dir ki sa bann ki ti pe sanz larzan ti pe fer tanp vin “en kavern voler” i montre ki zot ti pe sarz bann pri egzorbitan pour zot servis.