¿Xkatsiyata?

¿Tuku xlakata wi tiku xlakgpalikgo tumin ktemplo kJerusalén?

▪ Akxni atsinu xtsankga namakgnikan, Jesús lakkaxtlawalh tuku nitlan xtlawamaka ktemplo. Biblia wan tuku lalh: «Jesús [...] paks titamakaxtukgolh wanti kstanamakgo, chu wanti xtamawamakgo anta kxpulakni templo, chu na timakgpuspitnikgolh xmesajkan wanti xlakgpalinanin tumin, chu xlaktawilhkan wanti kstamakgo ntijtimput. Cha nchu wanikgolh: “Chuna ntatsokgnit wan: Wa nkinchik, chiki xputlawakan oración nalitapakuwiy, wampi wa wixin, xputatseknikan kgalhananin tlawanitantit”» (Mateo 21:12, 13).

Kxapulana siglo, lhuwa judíos chu tiku ni judíos xwankgonit, tanu tanu niku xalanin xminkgo ktemplo kJerusalén. Xlakata tlan kxokgokgolh tuku kxtaxokgo akgatunu kata xlakata templo, xtamawakgolh animales nema xʼamakgolh makamastakgo chu atanu tuku na xmakamastakgolh, xlakgpalikgo tumin nema xlinkgo chu tlan xmastakgolh tumin nema xkaskinikan ktemplo. Wa uma tuku xtlawakgo tiku xlakgpalikgo tumin, pero kskinkgo xkaʼakgxokgonika. Wa xlakata akxni xtalakatsuwimaja xpaskuajkan judíos, xtawilakgo niku xtastokgkgo tiku ni judíos xwankgonit.

Jesús kakilhnilh tiku xlakgpalikgo tumin xlakata «xputatseknikan kgalhananin [x]tlawa[kgonit]» templo. Uma limasiya pi lhuwa tumin nema xmatajinankgo.