Ibhuidisu ia Atangi

Ihi i nga tokala o ku bhanga, se ngala ni kibhuidisu kia Bibidia, mba nga bhindamena kitendelesu mu maka u ngala nau?

O divulu dia Jisabhu 2:1-5, di tu suínisa, ku “sota” o ku tetuluka, kála ku sota phalata, anga tu sota ni muanhu kála kia sota “jimbongo jo sueke.” Kiki ki bhinga kuila tu tokuesa mu Bibidia o ibhuidisu ietu, phala ku tena ku batula o maka u tu kala nau. Kiebhi ki tu tena ku bhanga kiki?

Mu divulu, Beneficie-se da Escola do Ministério Teocrático, mu jimbandu 33, ndu 38, tu sanga-mu milongi: “Como Pesquisar,” bhu kaxi ka madivulu a bhange o “kimbadi kia fiiele.” (Mat. 24:45, NW) Mu mbandu 36, a jimbulula kiebhi ki tu tena ku tokuesa o maka u tua mesena ni kikuatekesu kia divulu, Índice das Publicações da Torre de Vigia, ni mu Índice ia Bibidia. Mu kaxi ka maka u tua mesena, mba bhu kaxi ka jivelusu ja Bibidia, tu tena ku sanga o ilomboluelu, phala o maka u tuala nau. Kala ni muanhu mu ku sota o itambuijilu, mba o itendelesu i ua mesena. Kana ku di jimba kuila, eie ua mu sota “jimbongo jo sueke,” ku bhinga thembu, ni nguzu.

Mu kidi, saí maka mu Bibidia, o ibhuidisu ki tu i sange mu madivulu metu. Sumbala tu jimbulula velusu ia Bibidia, maji ki tu jimbulula o maka u uala nau. Saí misoso ia Bibidia i tu bhangesa ku kala ni kibhuidisu, mukonda o maka oso ka a soneka mu Bibidia. Kienhiki, ki tu tena ku sanga o itambuijilu ioso i tua mesena. Mu kiki, ki tu tokala ku jimbulula maka kala ni itambuijilu mu Bibidia, ‘a bheka ngó jiphata, ka bheka ku dibanda mu kixikanu kua Nzambi.’ (1 Tim. 1:4; 2 Tim. 2:23; Tito 3:9) Né muene o filiiale, mba o Mbonge ia Jimbangi ja Jihova ku mundu uoso, ka tokala ku jimbulula o ibhuidisu ioso ka i soneka luua mu madivulu metu. Tu tena ku sanguluka mu kuijiia kuila o Bibidia i tu bhana itendelesu i tu kuatekesa ku muenhu uetu, maji saí maka ka a tange mu Bibidia, phala tu kale ni kixikanu ku Mubhangi ua Diulu.—Tanga o divulu Achegue-se a Jeová, mu jimbandu ja 185 ndu 187.

Abha se ua bhange kia ioso phala ku sanga o kitambuijilu kia maka u uala nau? Kana ku luuala, sota phange ua kulu mu nzumbi, mba kafunga mu kilunga phala ku ku kuatekesa. Ene ejiia kiambote o Bibidia, mukonda ala kiá ukulu mu kilunga. Ene a tena ku ku kuatekesa se u bhinga ki kuatekesu phala ku dibhana ni maka u uala nau, mukonda ene a kuijiia kiambote, ejiia ué o maka u uala nau. Kana ku di jimba o ku samba kua Jihova, ia lungu ni maka u ua mu dibhana nau, ni ku mu bhinga ki kuatekesu phala u kala ni ibanzelu iambote bhu kaxi ka nzumbi ikôla, “kuma Jihova muene u bhanga unjimu . . . ni kilunji.”—Jisa. 2:6; Luk. 11:13.