Dai Bijbel mökt dat leewend aners

AIR kërl wat däir sër gërn gild were un air spitsbuub wäir hät sij leewend gans aners måkt, woweegen? Lees hijr uuner em sij geschicht.

“Ik däir sër lijbe dai tijre rijren.” - RICHARD STEWART

IS GEBOORE WOORE IN: 1965

LAND: JAMAICA

GESCHICHT: HAI WÄIR AIS SPITSBUUB UN DÄIR SËR GËRN GILD WERE

WAT IK BELEEWT HÄW: Ik bün uptrekt in ain arm stel, woo feel lüür wåne däire, in Kingston, dai haupt stad for Jamaica. Dår wäir sër gewaldig, däir sër feel slechte daile passijre un feel lüür hare kain arbëd. Dai lüür däire dår leewe mit angst weegen dai slechte grups lüür. Bijnå jërer dag wäir dår schaiterig.

Ik wäir dai ülst, mij braurer un mijn swester wäire dai jüngster. Mij mama däir sër feel arbëre un däir ales måke wat sai küün tau oos. Sai wule uk gërn dat wij gaud uutgelërt ware schule. Ik güng ni gërn nane schal. Åwer ik däir sër lijbe dai tijre rijren. Ik däir sogår schaul fëgle taum dår hengåe woo dai tijre rijre däire, ik däir sogår rijre upe dai tijre.

Ik häw glijk feel gild wert mit dai tijre rijren. Mij leewend wäir ni fornünftig un ik däir huurerig bedrijwe mit feel fruuges. Ik däir maconha rooke un ik däir stele taum gild häwe taum were, feel fruuges häwe un maconha kööpe. Ik har feel daile taum schaiten, åwer hüüt ik bün dankbår weegen kair doodbleewe is, bij dai feel steelen wat ik mit måke däir.

Mite tijd häwe mij dai poliss greepe un häwe mij inspuunt. Nåheer as ik ruuterlåte woore bün, häwe ik dai neemlige daile måkt wat ik airste måke däir. Ik wäir sogår slechte as airste, dat däir soo låte dat ik air gaur mësch wäir, åwer ik wäir dikkopig, har kain geduld un sër slecht wäir. Ik däir mij ankëre an kaine bloos mit mij.

DAI BIJBEL HÄT MIJ LEEWEND ANERS MÅKT: Dës tijd lang wat ik slechte daile ale måke däir, mijn mama hät anfånge dai Bijbel studijre un is air Tüügen fon Jehovaa woore. Ik häw saie dat mijn mama is air beetet mësch woore, un ik wul waite woweegen. Ik wul ruuterkrijge woweegen mijn mama aners woore wäir, dun, häw ik wek daile frågt oiwer dai Bijbel tau Jehovaas Tüügen.

Ik häw saie dat dat wat sai inlëre däire, wäir gans aners as dat wat dai andrer religione inlëre däire. Ales wat sai sägen däire wäir uut’m Bijbel. Sai wäire dai ainsig grup wat huus bij huus preege däire, soo’s dai airste wat Jësus någåe däire. (Mateus 28:19 un Atos 20:20) As ik saie häw dai wår lijb wat sai air up der andrer hare, häw ik saie dat ik dai richtig religion fuune häw. (João 13:35)

Weegen dat wat ik uute Bijbel lërt häw, ik häw saie dat ik mij gans leewend ümstele müst. Ik häw ruuterfuune dat Jehovaa däit dai huurerig hasse, un taum Jehovaa fröölig låte, müst ik hijnerlåte dai ganse slechte daile wat ik måke däir. (2 Coríntios 7:1 un Hebreus 13:4) As ik lërt häw dat Jehovaa kan traurig urer fröölig blijwe weegen dai daile wat ik måke däir, dat hät mij sër anstöt. (Provérbios 27:11) Dårweegen häw ik sinlåte maconha rooke, häw besijdlåte dai daile taum schaiten, un häw mij anstrengt taum gans aners måke soo as ik wäir. Dat wat slimst wäir tau mij wäir dai huurerig un dai gild were hijnerlåte.

Glijk in anfang ik wul ni häwe dat dai lüür woo ik ümgang mit har waite schule dat ik dai Bijbel mit Jehovaas Tüügen lëre däir. Åwer as ik leest häw Mateus 10:33, dës spruch hät mij gedanke gans aners måkt. Dår Jësus soo sägt: “Åwer dai wat mij forachte däit foir dai lüür, ik dau dai uk forachte foir mij Fåter wat in himel is”. Dun, häw ik fortelt tau der wat ik ümgang har, dat ik dai Bijbel studijre däir mit Jehovaas Tüügen. Sai küüne går ni glööwe dat air mësch soo as ik air kristlig ware wul. Åwer ik häw eer sägt dat ik ni mër måke wul dat wat ik airste måke däir.

WOO DAI BIJBEL MIJ HULPE HÄT: As ik anfånge häw leewe nå dat wat dai Bijbel inlërt, dat hät mijn mama sër fröögt. Nuu, däit sai sich ni mër kopbreeke mit mij of ik wat slechtes måke dau. Oos ümgang is stärke woore weegen oos lijb up Jehovaa. Öftens dau ik andenke an woo ik airste wäir un kan bijnå går ni glööwe an dai ümstelen wat ik måkt häw mit God sijn hülp. Ik wil ni mër soo leewe as airste, woo ik ni fornünftig wäir un bloos an gild denke.

Wen ik ni dai Bijbel lërt har, küün ik hüüt ine kadë sin urer doodbleewe sin. Åwer nuu häw ik air gaur un fröölig familg, häw ik groot lust in Jehovaa God dijne, t’hoop mit mij laiw fruug un määke. Ik bün dankbår dat Jehovaa mij annåme hät in em sij lijb familg. Dau uk danke dat air sich anstrengt hät taum mij dai Bijbel inlëre un däit mij sër frööge dai andrer dai Bijbel inlëre. Ik dau nog mër Jehovaa danke dat hai gaud wääst is mit mij un låte hät dat ik ümgang mit em häwe dau.

[Groot sriwt]

“Ik häw lërt dat Jehovaa kan traurig urer fröölig blijwe weegen dai daile wat ik måke däir, dat hät mij hät sër anstöt”

[Bijld]

Ik t’hoop mit mijn fruug un mijn määke

[Bijld]

Ik häw saie dat mijn mama is air beetet mësch woore