Ba joven sira

Hetan salvasaun husi ahi neʼebé lakan!

Matadalan: Halo estudu neʼe iha fatin neʼebé hakmatek. Nuʼudar ó lee eskritura sira, hanoin toʼok katak ó mós ema ida iha istória neʼebé ó lee. Hanoin toʼok katak ó bele haree buat neʼebé akontese no rona ema koʼalia. Sente buat neʼebé sira sente. Halo istória neʼebé ó lee sai hanesan buat neʼebé moris.

Ema iha istória neʼe: Sadraque, Mesaque, Abednego, no Nabucodonosor

Istória kona-ba: Joven ebreu naʼin-tolu neʼebé hetan koko kona-ba sira-nia fiar.

1 HANOIN DIDIʼAK KONA-BA BUAT NEʼEBÉ AKONTESE.—LEE DANIEL 3:1-30.

Lian saida deʼit mak ó “rona” kuandu ó lee versíkulu 3-7.

․․․․․

Esplika toʼok kona-ba fornu neʼebé lakan.

․․․․․

Tuir ó-nia hanoin, Nabucodonosor sente oinsá kuandu nia haruka ema atu halo manas liután fornu neʼe ba dala hitu? (Lee fali versíkulu 19 no 20.)

․․․․․

Tuir ó-nia hanoin, mane ida neʼebé hamutuk ho mane naʼin-tolu seluk iha fornu laran haree hanesan saida? (Lee fali versíkulu 24 no 25.)

․․․․․

Tuir ó-nia hanoin, Sadraque, Mesaque, no Abednego hatudu hahalok saida nuʼudar sira koʼalia ba liurai Nabucodonosor, hanesan hakerek iha versíkulu 16-18?

․․․․․

2 BUKA-HATENE LIUTÁN.

Buka toʼok informasaun atu hatene kona-ba estátua neʼebé Nabucodonosor halo nia boot oinsá. (Lee fali versíkulu 1.)

․․․․․

Kuandu ó kompara versíkulu 19 no 20 ho versíkulu 28 no 29, neʼe hatudu Nabucodonosor mak ema hanesan saida?

․․․․․

  3 HAKEREK BUAT NEʼEBÉ Ó APRENDE NO HALO TUIR.

Saida mak ó aprende kona-ba hatudu respeitu ba sira neʼebé iha pozisaun nuʼudar ulun?

․․․․․

Tanbasá mak importante atu hamriik metin ba buat neʼebé ó fiar?

․․․․․

Oinsá mak Maromak Jeová apoia ninia povu kuandu sira hasoru susar?

․․․․․

ATU HALO TUIR IHA FUTURU.

Situasaun saida deʼit mak bele koko ó-nia fiar?

․․․․․

Oinsá mak istória kona-ba Sadraque, Mesaque, no Abednego sei ajuda ó atu nafatin laran-metin?

․․․․․

4 HUSI ISTÓRIA NEʼE, SAIDA MAK IMPORTANTE LIU BA Ó, NO TANBASÁ?

․․․․․

Husu Testemuña ba Jeová, ka lee iha internét iha lia-indonézia ka portugés www.watchtower.org