Maʻá e Toʻutupú

Fakahaofi mei ha Fōnise Afi!

Fakahinohino: Fai ʻa e lautohí ni ʻi ha ngaahi feituʻu lōngonoa. ʻI hoʻo lau ʻa e ngaahi konga Tohi Tapú, sioloto atu ʻokú ke kau ʻi he meʻa ʻoku hokó. Sioloto atu ki he meʻa ʻoku hokó. Fanongo ki he ngaahi leʻó. ʻAi ke ke ongoʻi ʻa e ngaahi ongo ʻa e faʻahinga ʻoku hā ʻi he talanoá. ʻAi e fakamatalá ke hangē pē ha meʻa moʻoní.

Faʻahinga tefitó: Setaleki, Mēsake, ʻApitenikō mo Nepukanesa

Fakanounou: Ko e tui ʻa e kau talavou Hepelū ʻe toko tolú ʻoku ʻahiʻahiʻi.

1 ʻANALAISO ʻA E TUʻUNGÁ.—LAU ʻA E TANIELA 3:1-30.

Fakamatalaʻi ʻa e ngaahi ongo naʻá ke “fanongo” ki ai ʻi hono lau ʻa e veesi 3-7.

․․․․․

Fakamatalaʻi ʻa e fōtunga ʻo e fōnise afí, ʻi hoʻo sioloto atu ki aí.

․․․․․

Ko e hā e ngaahi ongoʻi ʻokú ke mahinoʻi ʻi he leʻo ʻo Nepukanesá ʻi heʻene fekauʻi ke tafu ʻa e fōnisé ke liunga fitu ange ʻene velá ʻi he tuʻunga anga-mahení? (Toe lau ʻa e veesi 19 mo e 20.)

․․․․․

Fakamatalaʻi ʻa e fōtunga ʻo e tangata hono fā ʻi he fōnisé, ʻi hoʻo sioloto atu kiate iá. (Toe lau ʻa e veesi 24 mo e 25.)

․․․․․

Ko e hā e ngaahi ʻulungaanga ʻokú ke fakatokangaʻi ʻia Setaleki, Mēsake, mo ʻApitenikō ʻi heʻenau lea kia Nepukanesa ʻi he veesi 16-18?

․․․․․

2 FEKUMI LAHI ANGE.

ʻI hono ngāueʻaki ʻa e ngaahi fakamatala ʻokú ke maʻú, kumi ʻa e fua ʻo ha kiupite, pea fikaʻi leva ʻa e lahi ʻo e ʻīmisi naʻe ngaohi ʻe Nepukanesá. (Toe lau ʻa e veesi 1.)

․․․․․

ʻI hoʻo fakahoa ʻa e veesi 19 mo e 20 mo e veesi 28 mo e 29, ʻoku hā ngali ko e tokotaha fēfē ʻa Nepukanesa?

․․․․․

 3 NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .

Fakahāhā ʻa e fakaʻapaʻapa ki he faʻahinga ko ia ʻi he tuʻunga mafaí.

․․․․․

Mahuʻinga ʻo e tuʻu ki he meʻa ʻokú ke tui ki aí.

․․․․․

Poupou ʻa Sihova lolotonga ʻa e ngaahi taimi ʻo e ʻahiʻahí.

․․․․․

KI HA NGĀUE LAHI ANGE.

Ko e hā ʻa e tuʻunga ʻoku ngalingali ʻe ʻahiʻahiʻi ai hoʻo tuí?

․․․․․

ʻE lava fēfē ke tokoniʻi koe ʻe he talanoa kia Setaleki, Mēsake mo ʻApitenikoó ke ke faitōnunga ai pē?

․․․․․

4 KO E HĀ ʻA E TAFAʻAKI ʻO E FAKAMATALÁ NI ʻOKU MOHU ʻUHINGA TAHA KIATE KOÉ, PEA KO E HĀ HONO ʻUHINGÁ?

․․․․․

Lau ʻa e fakamatala lahi ange makatuʻunga he Tohi Tapú ʻi he www.watchtower.org