Bilong Ol Yangpela

Kisim Bek Ol Long Bikpela Paia!

Pasin bilong mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.

Ol man insait long stori: Satrak, Mesak, Abetnego, na Nebukatnesar

Bikpela tok: Samting i kamap na i traim bilip bilong 3-pela yangpela Hibru.

1 SKELIM SAMTING I KAMAP.​—⁠RITIM DANIEL 3:​1-30.

Taim yu ritim ves 3-7, piksaim long tingting na stori long nois i kamap.

․․․․․

Stori long bikpela ples paia i luk olsem wanem.

․․․․․

Yu ting Nebukatnesar i pilim olsem wanem taim em i tok strong long ol i mas mekim paia i kamap hat tru? (Ritim gen ves 19 na 20.)

․․․․․

Piksaim long tingting na stori long namba 4 man long paia i luk olsem wanem. (Ritim gen ves 24 na 25.)

․․․․․

Taim yu ritim ves 16-18, yu ting Satrak, Mesak na Abetnego i gat wanem kain pasin taim ol i toktok long Nebukatnesar?

․․․․․

2 SKELIM I GO MOA.

Yusim ol buk bilong ol Witnes Bilong Jehova na mekim wok painimaut long hamas mita i insait long wanpela kiubit, na bihain painimaut bikpela na longpela bilong imis em Nebukatnesar i wokim. (Ritim gen ves 1.)

․․․․․

Taim yu skelim ves 19 na 20 wantaim ves 28 na 29, yu ting Nebukatnesar i gat wanem kain pasin?

․․․․․

  3 MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Soim rispek long ol man i gat wok bos.

․․․․․

Bikpela samting long pasin bilong sanap strong long samting yu bilip long en.

․․․․․

Helpim i kam long Jehova taim traim i painim yu.

․․․․․

SAMPELA TOK MOA YU KEN MEKIM WOK LONG EN.

Long wanem kain taim ol samting inap kamap na i traim bilip bilong yu?

․․․․․

Olsem wanem stori bilong Satrak, Mesak, na Abetnego i helpim yu long sanap strong long bilip?

․․․․․

4 YU PILIM TRU WANEM SAMTING LONG DISPELA STORI BILONG BAIBEL? BILONG WANEM YU TOK OLSEM?

․․․․․

Yu ken ritim sampela nius moa bilong Baibel long intenet long www.watchtower.org