Mo le ʻAutalavou

Leoleo Faasaga i Agaga Leaga!

Faatonuga: Ia faia lenei iloiloga i se siʻomaga toʻafilemu. A o e faitauina mau, ia pei lava o e iloa atu ma lagonaina leo o tagata. Ia logo i ou tino o latou lagona. Ia pei lava o loo e iai moni i le mea o tupu.

1 IA ILOILO LE VAAIGA.—FAITAU LE KENESE 6:1-6 MA LE GALUEGA 19:11-20.

Faamatala pe faapeʻī foliga o tagata Nefilimi o loo e mafaufau i ai.

․․․․․

E faapefea ona e faamatala faalogona na oo i tagata na fetaiaʻi ma lē na ulutino e le agaga leaga, e pei ona faamatala i le Galuega 19:13-16?

․․․․․

2 IA FAI NI SAʻILIʻILIGA ATILI.

Ia faaaogā tusi ma isi mea e fai ai suʻesuʻega, ina ia iloa atili ai e faatatau i tagata Nefilimi. Aiseā e te manatu ai e iai ni o latou uiga sauā?

․․․․․

O le ā le uiga o le manatu ʻna tuua e agaga leaga le mea na latou nonofo ai’? (Faitau le Iuta 6.) Aiseā e te manatu ai e lē o se mea masani ma e lē talafeagai mo i latou, ona faiavā i tagata?

․․․․․

O le ā ua e iloa mai i nei tala e lua, e uiga i faanaunauga o nei agaga leaga e faatatau i feusuaʻiga ma faiga sauā?

․․․․․

 3 IA FAATATAU LESONA UA E AʻOAʻOINA. TUSI I LALO MEA UA E AʻOAʻOINA E UIGA I . . .

Uiga sauā ma le manatu faapito o agaga leaga.

․․․․․

FAIA NI FAATATAUGA ATILI.

Talu ai e lē o toe mafai ona liutino nei agaga leaga, o ā ni auala iloagatā e latou te ono taumafai e faatosina ai oe?

․․․․․

O ā ituaiga o faafiafiaga i aso nei o loo faaalia ai uiga ma faanaunauga o agaga leaga?

․․․․․

E faapefea ona e faaalia lou maumauaʻi e tetee atu i faatosinaga a agaga leaga? (Toe faitau le Galuega 19:18, 19.)

․․․․․

4 O LE Ā NI VALA O LENEI TALA E SILI ONA TĀUA IĀ TE OE, MA AISEĀ?

․․․․․

Ia Fesili atu i Molimau a Ieova mo se tusi paia, pe Faitau i ai i le Faa-peretania i le initaneti i le www.watchtower.org