Tsa Bacha
Itebele Khahlanong le Meea e Khopo!
Litaelo: Balla mangolo ana moo ho khutsitseng. Ha u ntse u a bala, nka hore u boemong boo. Ipone u le moo. Utloa ha batho bao ba bua. Ikutloe joaloka batho bao ho buuoang ka bona. Phelisa seo u se balang.
1 NAHANISISA KA LIKETSAHALO TSENA.—BALA GENESE 6:1-6 LE LIKETSO 19:11-20.
Ha u nahana, Banefilime ba ne ba shebahala joang?
․․․․․
U nahana hore banna bao ba ile ba ikutloa joang ka mor’a hore ba hlaseloe ke moea o khopo, joalokaha ho hlalositsoe ho Liketso 19:13-16?
․․․․․
2 AK’U JE MASAPO A HLOOHO.
U sebelisa mokhoa le ha e le ofe oa ho etsa lipatlisiso, batla ho eketsehileng ka Banefilime. U nahana hore ke hobane’ng ha ba ne ba le mabifi hakaalo?
․․․․․
Ke hobane’ng ha ho ka thoe meea e khopo e ile ea ‘furalla sebaka sa eona sa bolulo se loketseng?’ (Bala Juda 6.) U nahana hore ke hobane’ng ha e ne e se hoa tlhaho ebile e le ho litšila hore ba ipatlele basali ba batho?
․․․․․
Litlaleho tsee tse peli li u bolella’ng ka meea e khopo mabapi le ho hlanyetsa ha eona likamano tsa botona le botšehali le pefo?
․․․․․
3 SEBELISA SEO U ITHUTILENG SONA. NGOLA SEO U ITHUTILENG SONA MABAPI LE . . .
Hore meea e khopo e sehlōhō ebile e na le boithati.
․․․․․
LINTHO TSE LING TSEO U KA ITHUTANG TSONA.
Kaha meea e khopo ha e sa khona ho iphetola batho, e ka leka ho u susumetsa ka litsela life?
․․․․․
Ke boithabiso ba mefuta efe kajeno bo bonahatsang mekhoa le lintho tse ratoang ke meea e khopo?
․․․․․
Ke joang u ka bontšang hore u ikemiselitse ho hanyetsa tšusumetso ea meea e khopo? (Bala Liketso 19:18, 19 hape.)
․․․․․
4 KE LINTHO LIFE LITLALEHONG TSEE TSEO U ILENG UA LI THAHASELLA HAHOLO, HONA HOBANE’NG?
․․․․․
Haeba u se na Bibele, e kōpe ho Lipaki Tsa Jehova kapa u bale lingoliloeng tse ling tsa Bibele inthaneteng ho www.watchtower.org